Munaı-gaz salasyn damytý jaıy qaraldy

Elbasy Nursultan Nazarbaev Qazaqstan Prezıdenti janyndaǵy Shetel ınvestorlary keńesi aıasynda «Enı» kom­panııasynyń bas atqarýshy dırektory Klaýdıo Deskalsımen kezdesti, dep habarlady Prezıdenttiń baspasóz qyzmeti. Kezdesýde kompanııanyń Qa­ra­­shyǵanaq jáne Soltústik Kas­pıı jobalaryn júzege asyrýǵa qatysýy jónindegi negizgi jaıttar, sondaı-aq, «QazMunaıGaz» UK» AQ-pen ózara is-qımyly týraly áńgime qozǵaldy. Nursultan Nazarbaev K.Des­kal­sıdi jańa laýazymǵa taǵaıyn­dalýymen quttyqtady jáne qyz­metine tabys tiledi. – Bizdiń kezdesýimiz Italııa Pre­mer-mınıstri Matteo Rensıdiń jumys sapary qarsańynda ótip otyr. Bizdiń elderimizdiń ara­­syndaǵy qarym-qatynas ylǵı da joǵary deńgeıde boldy. «Enı» kom­­panııasy Qazaqstanda 20 jyl boıy jumys istep keledi, bizdiń yn­tymaqtastyǵymyzdyń eń basty tarmaǵy Soltústik Kaspıı jobasy bolyp sanalady. Týyndaǵan qıyndyqtarǵa qaramastan, biz qoıylǵan mindetti ári qaraı sheshe alatynymyzǵa senimdimin, – dedi Qazaqstan Prezıdenti. Áńgime barysynda Memleket basshysy Qashaǵan munaı-gaz kenishin ıgerýge baılanysty jobany júzege asyrý barysyna qa­tysty alańdaýshylyǵyn bil­dirdi. Sonymen qatar, eldegi munaı-gaz salasyn odan ári damytý jáne energııa resýrstaryn tasymaldaý jelisin keńeıtýge jaǵdaı jasaý máseleleri talqylandy. «Enı» – munaı men gazdy barlaý, óndirý, tasymaldaý, óń­deý jáne jetkizý baǵyttary boı­ynsha jumys isteıtin ıntegra­sııa­lanǵan energetıkalyq kompanııa. О́z jumysyn kompanııa 79 elde júrgizedi, oǵan jalpy sa­ny 80 myńǵa jýyq qyzmetker ju­myldyrylyp otyr. Qazaqstanda «Enı» kompanııasy 1992 jyldan beri jumys istep keledi.