Danıl Vasılev qalypty shańǵymen sekirý sport túrinen jeńiske jetti. Birinshi talpynysta ol 127,2 upaımen birinshi oryn alsa, sońǵy aınalymda ekinshi (130,1) bolyp márege jetti. Eki tásildiń qosyndysynda Qazaqstan sportshysy avstrııalyq Maksımıllıan Lınherdi (251,4) jáne Tımon Paskal Kahoferdi (248,8) basyp ozyp, úzdik nátıje kórsetti (257,3).
Qazaqstannyń basqa sportshylary kelesideı nátıje kórsetti: Sergeı Tkachenko – jetinshi (220,9), Nıkıta Devıatkın – toǵyzynshy (216,2), Svıatoslav Nazarenko – 20 (147,3), Maǵjan Amangeldiuly – 21 (144,5).
Vasılev jeńip alǵan medal Qazaqstan úshin bıylǵy Ýnıversıadadaǵy ekinshi medal boldy. Buǵan deıin «altyndy» bıatlonshy Vadım Kýrales jeńip alǵan edi.
