Alǵashqy ushyrýlardyń biri 2023 jyldyń 5 aqpanyna josparlanǵan. Ushyrý josparyna sáıkes, bul kúni Baıqońyr ǵarysh aılaǵynyń 81-shi alańynan DM-03 údetkish blogy jáne №4 «Elektro-L» geostasıonarlyq gıdrometeorologııalyq spýtnıgi bar «Proton-M» zymyran tasyǵyshy ushyrylady.
- «Iýjnyı» ǵarysh ortalyǵy men «Lavochkına ÚEU» AQ mamandary №4 «Elektro-L» ǵarysh apparatyn otyn komponentterimen toltyrý boıynsha operasııalardy aıaqtady», - dep habarlady Jerdegi ǵarysh tehnıkasyn paıdalaný ortalyǵy.
Janarmaı quıý stansııasyndaǵy tehnologııalyq operasııalar 4 kún boıy jalǵasty. Budan ári ǵarysh apparaty Baıqońyr ǵarysh aılaǵynyń № 31 alańynyń tehnıkalyq keshenine jetkizildi.
Aıta ketsek, «Proton» ushyrylymy 2022 jyldyń jeltoqsanynan 2023 jyldyń basyna shegerildi. О́tken jyly Baıqońyrdan bir ǵana «Proton-M» zymyran tasyǵyshy ushyrylǵan edi.
