Jıynǵa aýdan ákiminiń orynbasary Baýyrjan Shompıev, aýdan prokýrorynyń orynbasary Sábıt Nurahym, aýdandyq polısııa bólimi bastyǵynyń orynbasary Bekzat Erhanov, aýdannyń ımamy Marat Asanov, psıholog mamandar, muǵalimder, adamı áleýetti damytý bóliminiń ókilderi, tárbıe isine jaýapty mektep muǵalimderi, ata-analar komıteti jáne kámeletke tolmaǵan jasóspirimderdiń isi jáne olardyń quqyǵyn qorǵaý boıynsha qurylǵan komıssııa quramy qatysty.
Negizgi másele jasóspirimder arasyndaǵy óz-ózine qol jumsaýdyń sebep-saldary men onymen kúresý turǵysynda atqarylatyn jumystar boıynsha aýdan prokýrotýrasy, polısııa bólimi jáne adamı áleýetti damytý bóliminiń ókilderi baıandama jasady.
Sondaı-aq Túrkistan oblysy qoǵamdyq densaýlyq saqtaý basqarmasynyń psıholog mamany M.Baımuhanbetov balamen jumys isteý jáne óz-ózine qol jumsaýǵa sebep bolatyn jaǵdaılar men onyń aldyn alý ádisterimen tanystyrdy.
«Aqparattyq ıdeologııanyń tasqyndaǵan zamanynda, onyń ishinde balalarymyzdyń sanasyn ýlaıtyn ǵalamtorda túrli saıası aqparattar men baǵdarlamalar júrip jatqany belgili. Mundaı kezde ata-ana, muǵalim jáne atqarýshy bılik ókilderi men basqa da jasóspirimdermen jumys isteıtin mamandar belsendi jumys isteýi kerek. Mektepterdegi psıholog mamandardyń jumysyn kúsheıtip, durys úılestirý kerek», dedi jıynda sóz alǵan adamı áleýetti damytý bólimi basshysynyń mindetin atqarýshy Anafııa Qadyrbekova.
Sonymen qatar basqa da qatysýshylar óz oılary men usynystaryn ortaǵa saldy.
Májilistiń qortyndysynda naqty nátıjege qol jetkizý úshin jumys josparlary pysyqtalyp, tapsyrmalar berildi.
