Ádilet mınıstri Azamat Esqaraev konstıtýsııalyq reformany iske asyrý jáne Memleket basshysynyń tapsyrmalaryn oryndaý aıasynda 2022 jyly « Konstıtýsııalyq Sot týraly», «Adam quqyqtary jónindegi ýákil týraly»,« Ákimshilik quqyq buzýshylyq týraly kodeksine ózgerister men tolyqtyrýlar engizý týraly» jáne t. b. birqatar mańyzdy zań qabyldanǵanyn aıtty.
Elektrondyq notarıat júıesiniń jańa elementteri engizildi jáne muragerlik is júrgizýge, barlyq menshik nysandaryndaǵy uıymdarda múddelerdi bildirýge, sottarda ister júrgizýge qatysty elektrondyq formattaǵy senimhattardyń 3 túrin berý jónindegi pılottyq joba iske qosyldy. Sonymen qatar zııatkerlik menshik salasynda mańyzdy zańnamalyq túzetýler qabyldandy.
169 myńnan astam azamat memleket kepildik bergen zań kómegin aldy, bul 2021 jylmen salystyrǵanda 28%-ǵa artyq.
О́z sózinde Ǵ. Qoıshybaev aldaǵy ýaqytta Ádilet mınıstrligi qazaqstandyqtardyń ómirin jaqsartýǵa baǵyttalǵan Memleket basshysynyń reformalaryn tolyqqandy iske asyrýdy normatıvtik qamtamasyz etýge basymdyq berýi tıis ekenin atap ótti.
«Quqyq ústemdigi qaǵıdatyna negizdelgen Ádiletti Qazaqstandy qurý zańnamanyń jekelegen normalary men salalaryn ǵana emes, qoldanystaǵy quqyqty qalyptastyrýǵa degen kózqarasty da túbegeıli ózgertýdi qajet etedi. Sondaı-aq bul zań shyǵarý qyzmetin saýatty josparlaýǵa jáne júzege asyrýǵa da qatysty», dedi ol.
Premer-mınıstrdiń orynbasary sot tóreliginiń sapasyn arttyrý jáne qordalanǵan problemalardy joıý úshin Qylmystyq jáne Qylmystyq is júrgizý kodeksterin túzetýdiń mańyzdylyǵyn atap ótti. Iаǵnı, bul bolmashy quqyq buzýshylyqtar boıynsha qylmystardyń jekelegen quramdaryn qylmys dep tanymaýdy, sondaı-aq qylmystyq ister qozǵalǵan kezde zańnama normalarynyń saqtalýyna baqylaýdy kúsheıtý kerektigin bildiredi.
Sonymen qatar ol quqyqtyq aktiler men zań jobalaryn daıyndaý sapasyn arttyrý, zań shyǵarý qyzmetin josparlaýdy jetildirý jóninde sharalar qabyldaý, sondaı-aq zańǵa táýeldi aktilerdiń ýaqytyly qabyldanýyna basa kóńil bólý qajettigine nazar aýdardy.
Memlekettik bılik deńgeıleri arasyndaǵy tepe-teńdikti qamtamasyz etý, artyq zańnamalyq reglamentteýdi boldyrmaý jáne atqarýshy organdardyń qyzmetin naqtylaý boıynsha zań shyǵarýdyń jańa tásilderin iske asyrýdyń mańyzdylyǵy atap ótildi.
«Ádilet mınıstrligi quqyqtyq reglamentteýdiń ońtaıly deńgeıin qamtamasyz ete otyryp, modeldik zańnamany qalyptastyrýdyń «lokomotıvine» aınalýy tıis», dedi ol.
Ádilet mınıstrligine «E-zańnama» aqparattyq júıesi arqyly zań shyǵarýdyń sıfrlyq negizine kóshýge, sondaı-aq sot aktilerin oryndaý, notarıattyq, advokattyq jáne sot-saraptamalyq qyzmet jáne t. b. salalarda sıfrlyq sheshimderdi engizýge erekshe nazar aýdarý tapsyryldy.
Sonymen qatar Ádilet mınıstri men onyń orynbasarlary, shaqyrylǵan depýtattar men sarapshylar óz sózderinde aıtqan, zań shyǵarý jumysyn jetildirýge, qabyldanatyn quqyqtyq aktilerdiń sapasyn arttyrýǵa, quqyqtyq formalızm men bıýrokratııalyq kózqarasty eńserýge baǵyttalǵan naqty usynystar talqylanyp, qoldaý tapty.
Sharaǵa Parlament depýtattary, Prezıdent Ákimshiliginiń, Úkimet Apparatynyń, qoǵamdyq uıymdardyń ókilderi, sondaı-aq Ádilet mınıstrliginiń qurylymdyq bólimsheleriniń basshylary qatysty.
