Atalǵan sport túriniń 10 shaqyrymdyq sprınt básekesinde aldyna jan salmaǵan jerlesimiz Bekentaı Turlybekov máre syzyǵyn birinshi kesip, Ýnıversıada jeńimpazy atandy. Turlybekovten tup-týra 22,2 sekýndqa qalyp qoıǵan taǵy bir otandasymyz Aleksandr Mýhın qola júldege qol jetkizdi. Eki sportshymyzdyń ortasyna amerıkalyq bıatlonshy Born Vestervelt túspegende, bul jarysta úsh birdeı jerlesimizdi jeńis tuǵyrynan kórýimiz ábden múmkin edi. О́ıtkeni Kırıll Baýer men 15 shaqyrymǵa jarysta top jarǵan Vadım Kýrales máre syzyǵyn Aleksandr Mýhınnen keıin kesip, sáıkesinshe 4-5-oryndarǵa jaıǵasty.
Jarys jeńimpazy atanǵan Bekentaı Turlybekov atalǵan qashyqtyqty 27 mınýt 51.5 sekýndta eńserip, 41 bıatlonshynyń ishinde oq atý aımaǵynda birde-bir ret qatelespegen jalǵyz sportshy atandy. Kúmis júldeni moınyna ilgen Born Vestervelt oq atýda eki ret qatelesse de, jyldamdyǵynyń arqasynda ekinshi orynǵa taban tiredi. Aleksandr Mýhın de oq atý aımaǵynda eki ret múlt ketip, márege úshinshi bolyp jetti.
Endi jerlesterimiz búgin iz qýý básekesinde baq synaıdy. Bul jarys Qazaqstan bıatlonshylaryna jeńildeý bolady. О́ıtkeni olar sóreden keshegi ýaqyt kórsetkishteri boıynsha shyǵady. Eger, otandastarymyz atý aımaǵynda nysana kózdeýden múlt ketpese, bul joly da júldegerler qatarynan kórinýge zor múmkindik týyp tur.
Al qatarynan tórt týrda qarsylas shydatpaǵan shaıbaly hokkeıden Qazaqstan stýdentter quramasy besinshi oıynda AQSh hokkeıshilerine ese jiberdi. Bul kezdesýde aıdyn ıelerine jeńis aýadaı qajet edi. Sebebi olar ótken týrda Slovakııadan 5:2 esebimen jeńilip, týrnır kestesinde úshinshi orynǵa túsip qalǵan bolatyn. Sondyqtan AQSh quramasy pleı-off kezeńine shyǵý úshin Qazaqstan hokkeıshilerin oıynnyń negizgi kezeńinde jeńýge tıis edi.
Kezdesýdiń esebin birinshi mınýtta aıdyn ıelerinen Hanıýoll Mettıý ashqanymen, arada tórt mınýt ótkende Batyrlan Muratov tarazy basyn teńestirip, muzaıdynǵa jınalǵan jergilikti jankúıerlerdiń kóńilin sý sepkendeı basyp tastady. Biraq ekinshi kezeńde AQSh hokkeıshileri Andreı Shýtov qorǵaǵan qaqpaǵa qatarynan úsh shaıba soǵyp, 4:1 esebimen jeńiske jetti. Osylaısha, V tobynda alǵashqy eki orynǵa ıe bolǵan Qazaqstan jáne AQSh quramalary pleı-off satysyna joldama aldy.
Medal kórsetkishi boıynsha Qazaqstan delegasııasy 3 altyn jáne 1 qola júldemen jalpykomandalyq esepte 6-orynda kele jatyr. Alǵashqy úsh oryndy Japonııa (11 altyn, 11 kúmis, 5 qola), Polsha (4 altyn, 3 kúmis, 3 qola) jáne Koreıa (3 altyn, 3 kúmis, 2 qola) sportshylary ıelenip tur.
