Kezdesýde energetıka, temirjol jáne avtojol qurylysy, sý tazartý, qaldyqtardy qaıta óńdeý jáne t. b. salalarda jańa ınvestısııalyq jobalardy iske asyrý máseleleri talqylandy.
Úkimet basshysy birqatar iri ınfraqurylymdyq jobany iske asyrýǵa qatysyp jatqan Alarko Holding-tiń jumysy Qazaqstan úshin mańyzdy ekenin atap kórsetti. Qazirgi ýaqytta Almaty oblysynda Úlken Almaty aınalma avtomobıl jolyn salý jónindegi joba sátti aıaqtalyp keledi.
«Meniń bilýimshe, kompanııa bosaǵan bilikti resýrsty, tehnıka men jabdyqtar parkin Qazaqstan aýmaǵynda basqa da jobalardy iske asyrý úshin paıdalanýǵa daıyn. Biz yntymaqtastyǵymyzdyń keleshegin egjeı-tegjeıli talqylaýǵa daıynbyz», dedi Álıhan Smaıylov.
Premer-mınıstr elimizdiń ózekti ınvestısııalyq pýlynda ekonomıkanyń túrli salalaryndaǵy 850-ge jýyq perspektıvti joba bar ekenin aıtty. О́z tarapynan Iyldyz Ýmıt Nýrı atalǵan pýldy muqııat taldaýǵa, sondaı-aq Indýstrııa jáne ınfraqurylymdyq damý mınıstrligimen áleýetti jobalardyń túpkilikti tizbesin pysyqtaýǵa daıyn ekendigin atap ótti. Kezdesý qorytyndysy boıynsha kelissózdi jaqyn arada jalǵastyrý týraly ýaǵdalastyqqa qol jetkizildi.
