Mashına jasaýshylar odaǵynyń basshysy 2022 jyldyń qorytyndysy jáne aldaǵy kezeńge arnalǵan salanyń damýy týraly baıandady.
Atap aıtqanda, ótken jyly mashına jasaý salasyndaǵy óndiris kólemi 3,1 trln teńgeni qurady (NKI ósimi – 9,4%), al onyń óńdeý ónerkásibindegi úlesi 15%-ǵa jetti. Osy oraıda sala óniminiń eksporty 53%-ǵa ósip, $2,3 mlrd boldy.
Kezdesý barysynda otandyq kásiporyndardy shıkizatpen qamtamasyz etý, qosarly bilim berýdi qoldaý, ınvestısııalar tartý, tehnologııalar transferti, jańa jobalar qurý boıynsha mashına jasaý salasyn odan ári damytýdyń negizgi máseleleri talqylandy.
Mundaǵy óndiristiń ósý qarqynyn oń baǵalaǵan Álıhan Smaıylov Memleket basshysynyń tapsyrmalaryn oryndaý maqsatynda mashına jasaý salasyn damytýdyń jańa keshendi josparynda barlyq túıindi máseleler men negizgi mindetter kórinis tabatynyn atap ótti.
О́z kezeginde Meıram Pishembaev Mashına jasaýshylar odaǵy Úkimetpen tyǵyz baılanysta bolyp, keshendi jospardy ázirleýge úles qosýǵa daıyn ekenin bildirdi.
