Polıseılerge belgili bir azamattar oblys aýmaǵynda aksızdik markalarmen alkogol óniminiń esepke alý-baqylaý markalaryn paıdalaný arqyly zańsyz ishimdik ónimderin satýmen aınalysyp jatqany týraly aqparat tústi. Sonymen qatar azamattar jaýapkershiligi shekteýli seriktestikterdiń biriniń taýar tańbasyn zańsyz paıdalanyp, aksızdeletin taýarlardy aksızdik tańbalarmen tańbalaý tártibi men erejelerin buzǵany anyqtaldy.
Tártip saqshylary arnaıy maqsattaǵy jasaq jáne ekonomıkalyq tergeý departamenti qyzmetkerlerimen birlesip, qaladaǵy eki mekenjaıda tintý jumystaryn júrgizdi. Júrgizilgen keshendi tintý jumystary barysynda 35 myńnan astam jalǵan esepke alý-baqylaý tańbalarymen belgilengen kontrofaktili alkogoldik ónim tárkilendi. Sondaı-aq polısııa qyzmetkerlerimen ár rýlonda 1000 japsyrmadan turatyn jeti rýlon japsyrylatyn aksızdik markalar tárkilendi.
Nátıjesinde bul iske qatysy bar jeti kúdikti anyqtaldy. Olardyń ishinde 28 ben 57 jas aralyǵyndaǵy bes er azamat, 30 ben 59 jas aralyǵyndaǵy eki áıel bar.
Atalǵan derek boıynsha Qazaqstan Respýblıkasy Qylmystyq kodeksiniń 233-babyna sáıkes qylmystyq is qozǵaldy.
