Álıhan Smaıylov Qazaqstan men Reseı arasyndaǵy yntymaqtastyqty odan ári damytý sheńberinde mańyzdy mindetterdiń biri ózara saýda kólemin ulǵaıtý bolyp tabylatynyn atap ótti. 2022 jyldyń 11 aıynyń qorytyndysy boıynsha elder arasyndaǵy taýar aınalymy $24 mlrd-ty qurady, bul ótken jyldyń sáıkes kezeńimen salystyrǵanda 7%-ǵa artyq. Premer-mınıstrdiń aıtýynsha, mundaı qarqynmen aldaǵy jyldary bul kórsetkishti $30 mlrd-qa deıin jetkizýge múmkindik bar.
Bul rette ol Iаkýtııamen ózara taýar tasymalyn ulǵaıtý baǵytynyń áleýeti zor ekenin atap ótti. 2022 jylǵy qańtar-qarashada taýar aınalymy shamamen $80 mln-dy qurady, bul – ótken jylǵy kórsetkishten on ese joǵary.
Sondaı-aq Premer-mınıstr ekijaqty qarym-qatynastyń mańyzdy bóligi mádenı-gýmanıtarlyq saladaǵy, atap aıtqanda kınematografııadaǵy ózara is-qımyl ekenin aıtty.
«Túrki halyqtarynyń túp-tórkini men qalyptasýy týraly birlesken tarıhı joba daıyndaýǵa bolady. Mundaı ımıdjdik jobany iske asyrý qoǵamnyń tarapynan Eýrazııanyń kóshpeli halyqtarynyń mádenıeti men tiline jáne tól murasyna degen qyzyǵýshylyqtaryn arttyrýǵa múmkindik beredi», dedi ol.
О́z kezeginde Aısen Nıkolaev sıfrlyq tehnologııalar salasynda, sondaı-aq ekonomıkanyń túrli baǵyttarynda jańa ınvestısııalyq jobalardy iske asyrýdyń múmkindigi joǵary ekenin aıtty.
