Is Atyraý oblysynyń qylmystyq ister jónindegi mamandandyrylǵan aýdanaralyq sotynda qaraldy. Qylmystyq is boıynsha 27 adam kúdikke ilindi. Olar zorlyq-zombylyqqa, bılik ókilderiniń zańdy talaptaryna belsendi baǵynbaýǵa, urlyqqa, atys qarýyn urlaý jáne QR Qylmystyq Kodeksiniń basqa da baptary boıynsha jappaı tártipsizdikterge qatysqany úshin aıyptaldy.
Oblystyq sottyń baspasóz qyzmeti habarlaǵandaı, prokýratýra sottalýshylardyń is-áreketterin onsha aýyr emes qylmystyq quqyq buzýshylyqtarǵa jikteý úshin jańa aıyptaý aktisin jasady. Sottalýshylar, óz kezeginde, is boıynsha jınalǵan dáleldemelerge daý aıtpaı, kinálaryn moıyndady.
Olarǵa qatysty «Raqymshylyq týraly» Zań qoldanyldy. Barlyq sottalýshylar sot zalynda bosatyldy.
Azamat Ibraemovqa qatysty sot qylmystardyń qaıtalanýyn aýyrlatatyn mán-jaı dep tanydy. Oǵan QK-niń 55-babynyń tórtinshi bóliginiń normasyn qoldana otyryp, úsh jyl bas bostandyǵyn shekteý túrindegi jaza taǵaıyndaldy.
