ShQO ákimdiginiń aqparaty boıynsha, jumys tobyn tájirıbeli maman Quralbek Ábdirahmanov basqarady, ol JEO jumysymen jaqsy tanys. Kompanııa Qaraǵandy men Astanada jumys isteıdi. Bul rette mámile somasy kommersııalyq qupııa bolyp qala berdi, alaıda jańa ınvestor jumysqa kirisip ketkeni belgili boldy.
Oblys ákiminiń orynbasary Erjan Nurbaevtyń aıtýynsha, menshik ıesi kompanııalardy elektr energııasyn óndiretin týrbınalardy jóndeýge shaqyrǵan. Kómir berý traktin jóndeý jumystary jalǵasyp jatyr, búgin túnde jelimdeý jumystary aıaqtalady, sodan keıin iske qosý-retteý prosesi bastalyp, erteń stansııaǵa ádettegideı kómir beriledi dep josparlanyp otyr.
«Arnaıy koks óndirý kezinde qazandyq agregattaryn jaǵý úshin paıdalanylatyn gaz bólinedi. Sondaı-aq óndiriste sýdy 95 gradýsqa deıin qyzdyrý qajet, ony jylý jelisinde qoldanýǵa bolady», dep atap ótti Erjan Nurbaev.
Onyń aıtýynsha, jańa menshik ıeleri «Qazmyrysh» qala quraýshy kásipornymen de iskerlik áriptestik qarym-qatynas ornatýǵa nıetti.
Investor kompanııa qazirdiń ózinde barlyq qajetti tólemderdi, sonyń ishinde qajetti jabdyqtar men óndirilgen jumystardy satyp alý úshin qarjy bólip otyr. Aldaǵy jospar - jylytý maýsymyn shtattyq rejımde ótkizý. Al jazda Rıdder-JEO-ny tolyqqandy jańǵyrtý jumystary bastalady.
24 qańtarda Shyǵys Qazaqstan oblysynyń ákimi Danıal Ahmetov Rıdderdegi JEO ıesiniń aýysqany týraly habarlady.
Qarasha aıynyń basynan Rıdder-JEO-da 30-dan astam shtattan tys jáne tótenshe jaǵdaılar boldy.
