Keńestiń qurylýy ulttyq ǵylymı júıeni basqarý isin jetildirýge jáne Qazaqstan Respýblıkasynyń ǵylym jáne ǵylymı-tehnıkalyq qyzmet salasyndaǵy memlekettik saıasatty odan ári damytýdyń basym baǵyttaryn aıqyndaý boıynsha usynymdar ázirleýge yqpal etedi.
«Qazaqstan Respýblıkasy Prezıdentiniń janyndaǵy Ǵylym jáne tehnologııalar jónindegi ulttyq keńestiń quramy men erejesi osy Jarlyqpen bekitildi. Keńes quramyna halyqaralyq deńgeıde tanylǵan, ǵylymı-zertteý belsendiligi joǵary, ǵylymnyń basym baǵyttarynda eńbek etetin akademıkter men ǵalymdar endi. Sondaı-aq keńes quramyna Berklı kosmologııalyq fızıka ortalyǵynyń fızıka jáne astrofızıka professory, Nobel syılyǵynyń laýreaty Djordj Fısdjerald Smýt III (AQSh), sondaı-aq álemniń jetekshi ǵylymı ortalyqtarynda ǵylymı-zertteý jumystarymen aınalysatyn birqatar otandasymyz kirdi», delingen habarlamada.
Sonymen qatar keńes quramyna ǵylymı, ǵylymı-tehnologııalyq jáne ınnovasııalyq saıasatty júzege asyrýǵa jaýapty Úkimet músheleri endi.
Otandyq jáne sheteldik jetekshi ǵalymdardyń Ulttyq keńeske múshe bolýy Qazaqstan ǵylymyn damytýda perspektıvti jáne strategııalyq mańyzdy sheshimder qabyldaýǵa oń septigin tıgizedi.
