Qyzdarǵa eki altyn buıyrdy

Birinshi bolyp sharshy alańǵa 70 kg salmaqta óner kórsetetin Jasmın Qızatova kóterildi. Qaraǵandy oblysynyń týmasy jas bolsa da, búginge deıin eresekter arasyndaǵy elishilik jáne halyqaralyq jarystardyń júldegeri atanyp úlgergen. Má­selen, 20 jastaǵy Jasmın 2020 jyly qyzdar arasyndaǵy el birinshiliginde qola júldege qol jetkizse, odan keıingi jyly Qazaqstan chempıonatynda kúmispen kúpteldi. Sondaı-aq ol 2021 jylǵy jastar arasyndaǵy álem birinshiliginiń jáne sol jylǵy áskerılerdiń jahandyq dodasynyń qola júldegeri atandy.

Jas bolsa da, halyqaralyq arenada biraz tájirıbe jınap úlgergen jerlesimiz Azııa bi­rin­shiliginde eki jekpe-jek ót­kizip, ekeýinde de qarsylas shy­datqan joq. Jerebe qory­tyn­dysy boıynsha jarysty jar­tylaı fınaldan bastaǵan otan­dasymyz alǵashqy kezdesýinde Vetnam boksshysy Trýong Mın Thý Kıýnhpen judyryqtasyp, qarsylasyn úshinshi raýndta tehnıkalyq nokaýtpen tize búk­tirdi. Fınalda áýesqoı boks­taǵy Qazaqstannyń negizgi báse­ke­lesi sanalatyn О́zbekstan quramasynyń ókili Azıza Zokı­rovamen qolǵap túıistirdi. Úsh raýndqa josparlanǵan aıqasta J.Qızatova qarsylasyn aıqyn jeńse de, tóreshiler qazaq boks­shysyn sál ǵana basymdyqpen jeńdi dep eseptedi. Sóıtip, Jas­mın Qızatova jastar arasyn­daǵy Azııa chempıonatynda Qazaqstan quramasynyń qorjynyna alǵash­qy altyndy  saldy. 

Jasmınniń izin ala rıngke kóterilgen ulttyq quramanyń aýyr salmaqtaǵy tájirıbeli boks­shysy Gúlsaıa Erjan (81 kg) komandalyq áriptesiniń je­­ńisti jolyn jalǵady. El bi­rin­shiliginiń júldegeri, byltyr eresekter arasynda Ammanda (Ior­danııa) ótken Sary qurlyq dodasynyń kúmis medal ıegeri, 22 jastaǵy Qyzylorda obly­synyń týmasy Taılandtaǵy týr­­nırdiń fınalynda jer­gilik­ti boks­shy Pornnıp Chýtı­men qolǵap túıistirdi. Tóre­shi­ler jekpe-jek­ti qansha jer­den sharshy alań ıesine bura tartqanymen, otandasymyz báribir óz myqtylyǵyn dálel­dedi – 3:2 (29:28, 30:27, 26:30, 27:30,  29:28). Gúlsaıa jartylaı fınalda Nepal boksshysy Jebegý Trıshany esh qınalmaı jeńgenin de aıta ketken jón.

Osylaısha, bokstan Qazaq­stannyń qyzdar quramasy Taı­landtaǵy jastar arasyndaǵy Azııa birinshiligin eki altyn, jeti qola júldemen túıindedi. Sary qurlyq dodasynyń jartylaı fınalynda qarsylastaryna jol bergen Móldir Toıkova (50 kg), Anel Saqysh (54 kg), Vık­torııa Grafeeva (57 kg), Shahnaz Isaeva (60 kg), Nazer­ke Serik (63 kg), Aqnar Ishanova (66 kg) jáne Dana Dıdaı (75 kg) qola júldeger atandy.

Keshe erler quramasynyń alty ókili bas júlde úshin jekpe-jekterin ótkizdi. Atap aıtar bolsaq, jeńil salmaqtaǵy jastar arasyndaǵy álem chempıony, Azııa birinshiliginiń jeńimpazy Sanjar Táshkenbaı (48 kg) О́zbekstan ókili Sho­dıer­jon Melıkýzıevpen, 52 kg-daǵy Nursultan Altynbek fılıppındik Flınt Djarmen, eresekter arasyndaǵy álem jáne Azııa chempıonatynyń kúmis júldegeri Muhmud Sabyrhan (57 kg) Taıland boksshysy Sa­ravýt Sýkthetpen, 67 kg-daǵy Abzal Serik (67) О́zbekstannyń byl­ǵary qolǵap sheberi Beh­zod Hamıdovpen, sondaı-aq 71 kg óner kórsetetin Sabyr­jan Aq­qalyqov Nýrıslom Ismoı­lovpen (О́zbekstan) jáne Dıas Moljigitov (75 kg) taǵy bir О́z­­bekstan boksshysy Alohon Abdýllaevpen judyryqtasty.

Bul jekpe-jekterdiń qalaı aıaqtalǵany jaıynda gazetimizdiń kelesi sanynda egjeı-tegjeıli baıandaımyz.