Asyldyń synyǵy

О́tken jyly mýzeıge 55 jyl toldy. Jarty ǵasyrdan astam ýaqyt saqtalǵan jádigerler taý-tulǵanyń ómir joly men eldik jolyndaǵy eńbekterinen syr shertedi. Mýzeıdegi muralar jyl saıyn tolyǵyp otyrady. Osyndaı qundy jádigerlermen tolyǵý sáti 2014 jyly akademık Álkeı Marǵulannyń per­zenti Dánel Álkeıqyzynyń Baıanaýyl aýdanyna kelý saparynda bol­ǵan edi. Ol kóp jyl boıy kó­ziniń qarashyǵyndaı saqtaǵan, qurbysy, Almaty kon­ser­vatorııa­synda oqyp júrip, 1964 jyly kenetten qaıtys bol­ǵan Márııam Qanyshqyzy Sát­baevanyń jeke zattaryn mýzeıge ákelip tapsyrdy.

Sonaý bir zamannan syr sher­­tetin jádigerler búginde mura­jaı sóresinde tur. Atap aıtsaq, Márııam Qanyshqyzynyń joǵarǵy oqý ornyndaǵy synaq kitapshasy, stý­denttik bıleti, dáristerdi jaz­­ǵan dápterleri, kún­­deligi, bet oramaly, ma­nıkıýr zattary, sanatorııalyq kitap­shasy, qol saǵaty, ámııany, port­feli, bylǵary qolǵaby, t.b. jeke zattary bar.

«Dossyz ómir – tuzsyz as» demekshi, qarap tursaq, sol kezdegi adamdardyń shynaıy dos­tyǵy, meıirimi bir bólek dúnıe, óskeleń urpaqqa ónege deýge bolady. Elý jyldan asa ýa­qyt ótse de, qur­bysynyń osy­naý zattaryn búgingi kúnge deıin saqtap, ákesiniń mýzeıine jetkizgen Dánel Ál­keıqyzyna jerlesteriniń atynan úlken alǵys aıtamyz.

Eske salsaq, Dánel Ál­keı­qyzy búginde akademık Á.Mar­­­ǵulan atyndaǵy halyq­ara­lyq qordyń vıse-prezıdenti, «Ol­jabaı batyr» qoǵamdyq qo­rynyń múshesi, Almaty qa­la­synda turady. Akademık Q.Sát­baev mýzeıimen tyǵyz baı­lanysta. О́tken jyly Alma­ty qalasyndaǵy akademık Q.I.Sát­baev atyndaǵy ýnıversıtetine úsh kúndik kóshpeli kórmemen barǵanymyzda arnaıy kelip, aq tilegin aıtyp edi.

Jýyrda týǵan eli Dánel Ál­keıqyzyn qoshemettep, «Baıan­aýyl aýdanynyń qurmetti azamaty» ataǵyn berdi. Asyl­dyń sy­nyǵy ispettes ǵalym urpaǵy ke­rekýlikterdiń mereıin ósirdi.

Sansyzbaı SAPARǴALIEV,

akademık Q.I.Sátbaevtyń Baıanaýyl memorıaldyq mýzeıiniń qyzmetkeri

Pavlodar oblysy,

Baıanaýyl aýdany