Sportty barlyq baǵytta damytý qajet

Mádenıet jáne sport mınıstri Ashat Oralov bıyl sportshylar­dy, jattyqtyrýshylarǵa áleý­met­tik qoldaý sharalaryn kórsetý, múmkindigi shekteýli sportshy­larǵa jaǵdaı jasaý jáne taǵy da basqa jumystar jalǵasatynyn atap ótti. «Bıyl jattyqtyrýshy-oqytýshylarǵa toptardy bas­qar­ǵany jáne sportshylardy joǵary sport uıymdaryna bergeni úshin, sondaı-aq sporttyq ataqtary úshin ústemeaqylar men qosymsha aqy­lardyń jańa túrlerin engizýdi jos­parlap otyrmyz», dedi A.Oralov.

A.Kólginov sportty damytý tek kásibı sportshylardyń kór­set­­kish­teri men jetistikteri ǵana emes, sonymen qatar búkil ulttyń saý­­lyǵy ekenin atap ótti. Sondyq­tan sport jáne dene shynyq­tyrý sa­lasyn barlyq baǵytta damytý qajet.

– Memleket basshysy sportty damytýǵa, onyń ishinde buqa­­ra­lyq sportqa, balalar men jas­óspirimder mektepteri men federasııalaryn qoldaýǵa erekshe nazar aýdarady. Sport nysan­darynda tapshylyq bar ekenin eskere otyryp, 2025 jylǵa deıin 100-den astam sport keshe­nin salý qajet. Bul 300 myńnan astam adamdy sport sabaq­tary­men qamtýǵa múmkindik beredi. Sport ınfraqurylymy joq óńir­lerde, eldi mekenderde modýl­dik sport ǵımarattaryn salý kerek. Mádenıet jáne sport mınıstr­ligi óńirlermen birlesip, osy baǵyttaǵy jumysty jandandyrýy qajet, barlyq nysan belgi­lengen merzimde tapsyrylýy tıis, – dedi vıse-premer.

Premer-mınıstrdiń oryn­basary bıyl balalarǵa arnal­ǵan sport seksııalary men shy­ǵar­ma­shylyq úıirmelerge 87 mlrd teń­gege jýyq qarajat bólinetinin atap ótti. Bul 560 myńnan astam bala­lar men jasóspirimderdi tegin sabaq­tarmen qamtýǵa múmkindik beredi. (2022 jyly – 400 myńnan astam).

Mádenıet jáne sport mınıstr­liginiń ókilderi de balalar arasynda ulttyq sportty nasıhattaý basym mindetterdiń biri ekenin aıtty. «Qazaq kúresi» memlekettik sporttyq tapsyrys sheńberinde qarjylandyrylatyn sport sek­sııa­larynyń tizimine endi. Sondaı-aq olar­dyń qataryna «Toǵyz­quma­laq» jáne «Asyq atý» ult­tyq sport túrlerin engizý jos­par­lan­ǵan.

Sonymen qatar mınıstrliktiń aldynda kásipqoılardyń, jat­tyq­tyrýshylar men mamandardyń biryńǵaı elektrondyq derek­qoryn iske qosý mindeti tur. Baza sport­shynyń fızıkalyq jáne moraldyq jaǵdaıyn, onyń kúsh­ti jáne álsiz jaqtaryn obek­tıvti baǵalaýǵa jol ashady. Son­daı-aq talanttardy izdeý jáne damytý jónindegi jumys­ty júıe­leýge, sportshylar men jat­tyq­tyrý­shylardy baǵalaý kezinde sýbek­tıvtilikti boldyrmaýǵa múmkindik beredi.

Sondaı-aq alqa otyrysy bary­synda 2023 jyl – Olım­pıa­daǵa deıingi jyl ekendigi atap ótildi. Mádenıet jáne sport mınıs­trli­giniń Ulttyq Olımpıa­dalyq komıtetpen jáne federa­sııalarmen birlesip, aldaǵy Parıj-2024 jazǵy Olım­­pııa oıyndaryna sapaly da­­ıyndyqty qamtamasyz etýi ma­ńyzdy. Federasııa jumy­sy­nyń negizgi kórsetkishteri Olım­pııa oıyndary men álem chem­pıo­nat­taryndaǵy nátıjeler bolady.