Kezdesý barysynda halyq sot aktilerin oryndaýǵa, jyljymaıtyn múlikke quqyqtardy tirkeýge, muragerlik iske, advokattyq jáne notarıattyq qyzmetti júrgizý tártibine qatysty problemalyq máselelerdi kóterdi. Mınıstr olar boıynsha qoldanystaǵy zańnama sheńberinde túsinikteme berdi.
Sonymen qatar kezdesýde mınıstr zań kómegin kórsetý salasyndaǵy ınnovasııalar týraly, atap aıtqanda tegin zań kómegine kepildik berilgen adamdar tobyn keńeıtý týraly aıtty. Osylaısha az qamtylǵan jáne kóp balaly otbasylar, turmystyq zorlyq-zombylyq, azaptaý qurbandary, 1 jáne 2 sanattaǵy múgedekter, zeınetkerler tegin zań kómegine júgine alady.
Atqarýshylyq is júrgizý jónindegi máselelerge toqtala otyryp, Azamat Esqaraev azamattarǵa yńǵaıly bolý úshin memlekettik shekara arqyly ótkizý pýnktterinde jáne qoǵamdyq oryndarda ornatylǵan termınaldar, sondaı-aq «Kaspi banki» men «Qazposhta» mobıldi qosymshalary arqyly onlaın rejımde bereshekti tóleý múmkindigi qarastyrylǵanyn habarlady.
Budan ári sıfrlandyrý sheńberinde digital Justice – sıfrlyq Ádilet jobalarynyń 12-sin jetildirý boıynsha atqarylyp jatqan jumys jaıynda aıtty. Bul – «sıfrlyq notarıat» jobasy (Notarıattyq qyzmetterdi onlaın formatta aýdarý, QR kómegimen qujattarǵa qol qoıý), «E-zań kómegi» jobasy (elektrondyq nusqada zań kómegin kórsetý), «Attestattaý reınjınırıngi» jobasy (aýmaqtyq ádilet organdarynda notarıýs, advokat, jeke sot oryndaýshysy bolǵysy keletin úmitkerlerdiń komıssııalyq áńgimelesýden jeke ótýin boldyrmaý. Onyń ornyna kompıýterlik testileýden jáne sıtýasııalyq keısterden ótý bolady), smartfondardan memlekettik qyzmetterdiń qoljetimdiligi, memlekettik qyzmetterdi kórsetýdiń proaktıvti jáne kompozıttik formaty, MIB sıfrlandyrý (MIB elektrondyq daýys berýdi júrgizý jáne ony elektrondyq tirkeý).
Qorytyndylaı kele, A.N.Esqaraev elimizde ákimshilik rásimdik-prosestik kodekstiń qabyldanýymen bir jyldan astam ýaqyt buryn ákimshilik Ádilet iske qosylǵanyn, ákimshilik sottar paıda bolǵanyn atap ótti.
Sondaı-aq mınıstr aýmaqtyq ádilet departamenti men Aqtóbe óńiraralyq sot saraptamalary ortalyǵynyń qyzmetkerlerimen de kezdesý ótkizdi.
