UEM basshysy úkimetaralyq komıssııanyń otyrysyn asha otyryp, QR Úkimeti atynan jıyn qatysýshylaryna iltıpat bildirdi jáne sharany uıymdastyrýdyń joǵary deńgeıin atap ótti.
«Biz ózara tıimdi jáne nátıjeli yntymaqtastyqty nyǵaıtýǵa daıynbyz. Elderimiz arasyndaǵy taýar aınalymy artyp keledi. Biz ózara saýdany ulǵaıtý úshin barlyq kúsh jigerimizdi salýymyz kerek», dedi Á.Qýantyrov.
Mınıstrdiń aıtýynsha, Qazaqstan jetkiziletin taýarlardyń kólemin ulǵaıtýǵa jáne taýar nomenklatýrasyn keńeıtýge daıyn. О́tken jyly elimizde tamaq, jeńil jáne hımııa ónerkásibi, mashına jasaý, farmasevtıka, munaı óńdeý jáne t.b. salalarda kásiporyndar iske qosyldy. Jalpyulttyq pýl sheńberinde 2022 jyly $4,2 mlrd quraıtyn 160 joba júzege asyryldy. Jańadan 15,7 myń turaqty jumys orny ashyldy.
«Qazaqstannyń tranzıttik áleýeti joǵary. Ony odan ári damytý maqsatynda 2030 jylǵa deıingi tıisti Tujyrymdama ázirlendi. Onyń maqsaty - taýarlardy jetkizý jyldamdyǵyn arttyrý, halyqaralyq tranzıttik-kólik dálizderiniń jáne logıstıkalyq termınaldardyń ótkizý qabiletin joǵarylatý», dedi mınıstr.
Onyń sózinshe, atalǵan sharalar Qazaqstannyń tranzıttik áleýetin damytýǵa da, Qazaqstan arqyly Majarstan men Qytaı arasyndaǵy ekijaqty saýdadaǵy mańyzdy kólik baǵyty bolyp tabylatyn «Zahon porty» jobasyn damytýǵa da yqpal etetin bolady. Búginde Qazaqstan men Majarstan úkimetteri arasynda áýe kóligi týraly kelisim jasasý boıynsha jumystar júrgizilip jatyr. Ol azamattyq avıasııa salasyndaǵy yntymaqtastyqty keńeıtýge múmkindik beredi.
«Búginde Qazaqstanda vengr kapıtalynyń qatysýymen 32 kásiporyn jumys isteıdi. Sondaı-aq aýyl sharýashylyǵy, saýda, qurylys, taý-ken ónerkásibi salalarynda birlesken 39 kompanııa quryldy», dedi UEM basshysy.
Mınıstr majarstandyq tarapqa Qazaqstandaǵy perspektıvalyq ınvestısııalyq jobalarǵa qatysýdy usyndy.
Budan basqa, jıyn barysynda úkimetaralyq komıssııanyń aldyńǵy 7-shi otyrysy sheńberinde qol jetkizilgen ýaǵdalastyqtardyń qorytyndylary qaraldy. Budan bólek, saýda, qarjy, aýyl sharýashylyǵy, kólik, energetıka, IT, ekologııa, bilim berý jáne densaýlyq saqtaý salalaryndaǵy yntymaqtastyq perspektıvalary talqylandy. Jalpy, taraptar ekijaqty yntymaqtastyqty odan ári keńeıtýge daıyn ekendikterin bildirdi.
Otyrys qorytyndysy boıynsha energetıka, bilim, bıznes jáne t.b. salalardaǵy ózara túsinistik jáne yntymaqtastyq týraly 9 Memorandýmǵa qol qoıyldy.
Sondaı-aq QR Ulttyq ekonomıka mınıstri men Majarstannyń Qarjy mınıstri BAQ ókilderi úshin birlesken brıfıng ótkizdi.
