Otyrysqa Armenııa, Belarýs, Qazaqstan, Qyrǵyzstan, Reseı úkimetteriniń basshylary jáne Eýrazııalyq ekonomıkalyq komıssııa Alqasynyń tóraǵasy qatysady. Is-sharaǵa sondaı-aq Eýrazııalyq ekonomıalyq komıssııanyń janyndaǵy baıqaýshy memleketterdiń ókilderi, TMD Bas hatshysy jáne Eýrazııalyq damý banki men Eýrazııalyq turaqtandyrý jáne damý qorynyń basshylary shaqyryldy.
Otyrystyń kún tártibi saýda-ekonomıkalyq yntymaqtastyq, tehnıkalyq retteý, EAEO ıntegrasııalanǵan aqparattyq júıesi jáne basqa da ózekti taqyryptardyń keń spektrin qamtıdy.
Is-shara barysynda úkimet basshylary Valıýtalyq quqyqtyq qatynastardy retteý jáne jeńildetý sharalaryn qabyldaýǵa kelisilgen tásilder týraly kelisimge qol qoıady dep josparlanǵan.
3 aqpanda EAEO elderiniń premer-mınıstrleri jyl saıynǵy «Digital Almaty» forýmynyń plenarlyq sessııasyna qatysady. Dástúrli túrde forým jumysyna kórnekti saıası jáne qoǵam qaıratkerleri, iri dıdjıtal kompanııalardyń basshylary, IT bıznes kóshbasshylary jáne sıfrlyq sala sarapshylary qatysady.
Bıyl atalǵan is-shara aıasynda «Digital Almaty Awards» marapattaý rásimimen taqyryptyq jobalardyń halyqaralyq kórmesi ótedi.
