Balalar men jasóspirimder tennısi damıdy

Elenanyń bul tabysy, sóz joq, Qazaq­stan tennısi úshin tarıhı nátıje boldy. Olaı deýge negiz, búginge deıin osy sport túrin serik etken birde-bir jerlesimiz «Úlken dýlyǵa» sanatyndaǵy týrnırlerdiń jekeleı synynda úzdikter qatarynan kórine almaǵan. Dese de, Iаroslava Shvedova (2010, 2012) men Iýlııa Pýtınseva (2016, 2018) eki márte jáne Elena Rybakına (2021) bir ret «Rolan Garros­tyń» shırek fınalyna deıin jetken. Sondaı-aq Pýtınseva 2016 jyly «Ýımbldon» men 2020 jyly AQSh-tyń ashyq birinshiliginde dál sol mejeden kóringen-di. Qazaqstandyq tennıs­­shilerdiń «Úlken dýlyǵa» sanat­taryndaǵy bar jetistigi osy.

Tennısshilerimiz jańa 2023 jyldy da sátti bastap otyr. Atap aıtar bol­saq, ótken aptada Elena Rybakınadan bó­lek, áıelder arasyndaǵy «Chelendjer» týr­nır­lerinde baq synap júrgen Jibek Qulambaeva men Gózal Aınıtdınova, byl­tyr jasóspirimder arasyndaǵy Azııa qurlyǵynyń reıtınginde kósh bastaǵan Albına Kákenova jáne erler arasyndaǵy Qazaqstannyń ekinshi raketkasy Tımofeı Skatov ózderi qatysqan týrnırlerdiń fınalısi atandy.

Osy oraıda, Qazaqstan tennıs fede­rasııasynyń prezıdenti Bolat О́te­mu­ra­tov tennısshilerdi aıtýly je­ń­isterimen quttyqtap, apta nátıjelerin qory­tyn­dylady.

«Elena Rybakına – el tarıhynda tuńǵysh ret Aýstralııa ashyq chem­pıona­tynyń fınalyna shyǵyp, Qazaqstan jankúıerlerine tamasha emosııa syılady. Bul fınal – Elenanyń ózi úshin, jalpy elimizde tennıs sportynyń, ásirese áıelder arasynda tennıstiń ári qaraı damýyna zor septigin tıgizedi dep oılaımyn. Men Elenaǵa jo­ǵary deńgeıde óner kórsetkeni úshin rıza­shylyǵymdy bil­di­rgim keledi. Bul – elimizde tennıstiń tabysty damyp kele jatqanynyń bir kórinisi. Australian Open fınalyna deıin jetý – sheberlik pen turaqtylyqtyń bel­gisi. Doda ba­rysyn­da Ele­na álem­dik reı­tınginiń kóshbasshysy Iga Shven­tekti jáne taǵy basqa da myqty­lar­dy tize búktirdi. Olardyń úsheýi – «Úl­ken dý­lyǵa» týr­nı­riniń jeńimpazy. Elena­nyń túrli tósenishtegi korttarda ózin erkin sezinip, qarsylasyna baılanysty taktıkasyn saýatty quratyny, óz oıynyn únemi jetildirip kele jatqany aıqyn kórinip tur. Jyldyń sátti bastalýy aldaǵy jeńisterge jol ashady dep úmittenemin», dedi Bolat Jámıtuly.

Sondaı-aq Qazaqstan tennıs federa­sııasynyń prezıdenti elimizde tennıspen shuǵyldanamyn degen barlyq janǵa jaqsy jaǵdaı jasalyp jatqanyn atap kórsetti. «Keıingi birneshe jylda Qazaqstanda balalar men jasóspirimder tennısin damytýǵa kóp kúsh salyp jatyrmyz. Qazirdiń ózinde biz qyzdarymyzdyń ár jas sanatynda jaqsy sporttyq kór­setkishterge qol jetkizip otyrǵanyn baıqaımyz. Sondyqtan bizdiń eresek kásipqoı tennısshilerimizdiń jetis­tikterimen qatar, ITF Juniors, ITF World Tennis Tour, ATF Juniors, Tennis Europe jáne basqa da týrnırlerdegi, sondaı-aq jasóspirimder arasyndaǵy jarystarǵa qatysatyn sportshylardyń nátıjelerin erekshe atap ótkim keledi. Mysaly, bir­neshe kún buryn Albına Kákenova bedeldi Australian Open 2023 Asia-Pacific Elite 14 & Under Trophy týrnıriniń fı­nalısi atandy. О́tken jyly Albına ATF Juniors serııasynda barlyǵy tórt týr­nırde jeńiske jetip, 14 jasqa deıingi Azııa reıtınginde maýsymdy 1-orynmen aıaqtady. Keshe ǵana Úndistanda ótip jatqan ITF W40 týrnıriniń fınalynda taǵy eki sportshymyz – Jibek Qulam­ba-e­va men Gózal Aınıtdınova óner kórsetti.

Byltyr «Ýımbldon» týrnırinde Qazaq­stannyń úsh áıel tóreshisi al­ǵash ret jumys istedi. Olardyń biri Iýlııa Ignat­chenko mu­nara tóre­shisiniń «Kúmis bel­gisin» al­ǵan eli­­mizdegi al­ǵashqy tóreshi boldy. Qa­zaqstan ten­nıs­shileri al­daǵy ýaqytta da jaqsy nátıje kór­setip, jan­kúıer­lerin ta­ǵy da qýan­tady de­­gen oıdamyn. Sondaı-aq oı­yn­shy­la­ry­myzǵa qol­daý bil­dirgen bar­­­sha jan­kúıer­ge alǵys aıta­myn», dedi B.О́te­mu­ra­tov.