Premer-mınıstr Álıhan Smaıylovtyń tóraǵalyǵymen ótken Úkimet otyrysynda kásipkerlik qyzmetti «taza paraqtan» retteýdi iske asyrý barysy qaraldy, dep habarlaıdy Egemen.kz.
Ulttyq ekonomıka mınıstri Álibek Qýantyrov búgingi tańda retteýdiń barlyq 44 salasy qaralǵanyn, 2 823 normatıvtik-quqyqtyq aktige taldaý jasalǵanyn baıandady. Nátıjesinde memlekettiń jańa retteýshi saıasatynyń sharttaryna sáıkes kelmeıtin bızneske qoıylatyn 10 108 talap anyqtaldy. Osyǵan baılanysty ótken jyldan bastap zańǵa táýeldi aktiler aıasynda olardy joıý boıynsha belsendi jumys júrgizilip jatyr. Osyǵan uqsas prosess zańnamalyq ózgerister bóliginde de júredi.
Sonymen qatar retteý salalaryn taldaý qorytyndysy boıynsha Smart Data Ukimet platformasynda kásipkerlik salasyndaǵy Mindetti talaptar tizilimi iske qosyldy, ol retteýshi aktilerdi turaqty negizde qaıta qaraýǵa múmkindik beredi. Bul rette bıznes-ortaǵa teris áser etetin talaptarǵa qatysty «Retteýshi gılotına» ádisi qoldanylatyn bolady. Ol kásipkerlerdi talaptardy buzǵany úshin ákimshilik jaýapkershilikten bosatýdy qarastyrady.
Sonymen qatar mınıstr 2022 jyly memlekettik baqylaýdyń 35 salasy avtomattandyrylǵanyn, memlekettik organdardyń 16 aqparat júıesi Smart Data Ukimet-ke ıntegrasııalanǵanyn aıtty. Qalǵan 35 salany avtomattandyrýdy 2023 jyly aıaqtaý josparlanyp otyr.
О́z kezeginde «Atameken» UKP tóralqasynyń tóraǵasy Raıymbek Batalov kásipkerlikti retteý salalaryn taldaý jumysyna bıznes-ortadan 100-den astam sarapshy tartylǵanyn habarlady.
Premer-mınıstr bızneske ákimshilik júktemeni azaıtý úshin barlyq retteýshi aktiler boıynsha aýqymdy taldamalyq jumys júrgizilgenin atap ótti.
«Osy jumystardyń qorytyndysy boıynsha Mindetti talaptar tizilimi jasaldy. Ony biz qajet kezde qaıtadan qarap, rettep otyratyn bolamyz. Bul jerde «Atameken» palatasy belsendi ról atqarýy tıis. Iаǵnı, orynsyz, birin-biri qaıtalaıtyn nemese tıimsiz talaptardy anyqtaý jáne alyp tastaý jumystary turaqty negizde júrgiziletin bolady», dedi Álıhan Smaıylov.
Sonymen qatar Úkimet basshysy memlekettik baqylaý júıesinde táýekelderdi baǵalaý jáne basqarý júıesin avtomattandyrý boıynsha keshendi sharalar qabyldanyp jatqanyn da aıtyp ótti. 35 salada bul jumys aıaqtaldy. Ol kásipkerlerdi negizsiz tekserýlerden qorǵaýǵa múmkindik beredi.
«Jalpy «taza paraqtan» reformasy bıznes-ortany retteýdiń tıimdiligin arttyryp, kásipkerlikti damytýǵa qolaıly jaǵdaı jasaıdy. Bıznestiń turaqty da tabysty qyzmetine birinshi kezekte, memlekettiń ózi múddeli. Kásipkerler osyny sezinýleri kerek», dedi Álıhan Smaıylov.
Úkimet basshysynyń aıtýynsha, atqarylǵan jumystar 2029 jylǵa qaraı shaǵyn jáne orta bızneste jumys isteıtinder sanynyń 4,7 mln adamǵa deıin ósýine jáne memlekettiń ekonomıkadaǵy úlesin 14%-ǵa deıin tómendetýge múmkindik beredi.
Osyǵan baılanysty Premer-mınıstr bızneske qoıylatyn artyq talaptardy joıý boıynsha zańnamalyq ózgeristerdiń ýaqytyly qabyldanýyn qamtamasyz etý, zańǵa táýeldi aktilerge tıisti túzetýler engizýdi jyldamdatý jáne birinshi jartyjyldyqtyń sońyna deıin memlekettik baqylaý júıesin avtomattandyrý jumysyn aıaqtaý qajettigin aıtyp ótti.
Odan bólek, Álıhan Smaıylov ashyqtyqty arttyrý maqsatynda memlekettik qoldaý sharalaryn alýshylardy irikteý rásimderin odan ári avtomattandyrýdyń, sondaı-aq ákimdikter men mınıstrlikter tarapynan óndiristiń, ınfraqurylym men elektr energııasynyń negizgi faktorlaryna teń qol jetkizý boıynsha jańa bıznes-jobalarǵa jan-jaqty qoldaý kórsetýdiń mańyzdy ekenin atap ótti.
Sońynda Úkimet basshysy memlekettik organdardy kásipkerlerdiń ótinishteri boıynsha jedel áreket etýge shaqyrdy.
«Jer qatynastary, memlekettik satyp alý, salyqtyq ákimshilendirý, sáýlet jáne qala qurylysy salalarynda shaǵymdar sany kóp. Jumystyń jańa belsendi formatyna kóship, bıznes jıi kóteretin problemalardy sheshý úshin júıeli sharalar qabyldaý qajet», dedi Álıhan Smaıylov.
Atyraýda birneshe mekteptiń oqýshylary onlaın oqıdy
Qoǵam • Keshe
Prezıdent Qatar Ámirimen telefon arqyly sóılesti
Saıasat • Keshe
Áýejaıda shekarashylar qonaqtardy erekshe kútip aldy
Qoǵam • Keshe
Uqsas jańalyqtar
