Qytaı bıligi birneshe jyldan beri «bir otbasy, bir bala» saıasatynan týyndaǵan jaǵymsyz demografııalyq tendensııany ózgertýge tyrysyp keledi. О́tken jyly Qytaı halqy 60 jylda alǵash ret azaıǵan.
«Sonymen qatar, nekesiz bosanǵan áıelder ony resmı túrde tirkeı alady jáne erli-zaıyptylar sııaqty barlyq jeńildikterdi ala alady», dep habarlady provınsııa úkimeti.
Budan bylaı Sychýan provınsııasynda kez kelgen turmys qurmaǵan áıel, eger ol bala týǵysy kelse, medısınalyq kómekke, mekteptegi orynǵa jáne aqshalaı tólemderge ıe bola alady.
2023 jyldyń 23 qańtarynda Qytaı úkimeti 2022 jyly Qytaıda 9,56 mıllıon bala dúnıege kelip, 10,41 mıllıon adam qaıtys boldy degen statıstıkany jarııalady. «Bir otbasy, bir bala» saıasatynyń saldarynan eldegi demografııalyq ósim tómendegen. Bul saıasat 1980 jyldyń qyrkúıeginde el halqynyń baqylaýsyz ósýin azaıtý úshin engizilgen edi.
Sychýandaǵy jaǵdaı alańdatarlyqtaı emes, biraq 60 jastan asqan adamdardyń sany jalpy halyqtyń 21 paıyzyn quraıdy. Bul ortasha kórsetkishten 17,4 paıyz joǵary. Eger demografııalyq tendensııany qalpyna keltirý múmkin bolmasa, onda 2040 jylǵa qaraı bul kórsetkish 28 paıyzǵa deıin ósedi degen boljam bar.
«Biz buryn-sońdy kórmegen Qytaıdy kórýimiz ábden múmkin. Endi Qytaı qoǵamy jasarmaıdy, halqy qartaıyp, azaıa beredi», deıdi Kalıfornııa ýnıversıtetiniń áleýmettaný professory Van Fen.
Aıtolǵan JÚNISHAN,
L.N.Gýmılev atyndaǵy EUÝ stýdenti
