«Kelesi másele – qoǵamdyq kólik júıesin damytý. Men qala ishinde adam kóp júretin baǵyttardy anyqtap, avtobýstardyńyń jıi qatynaýyn qamtamasyz etý jóninde naqty tapsyrma berdim», dedi Prezıdent.
Degenmen qala turǵyndary áli kúnge deıin aıaldamada jarty saǵat boıy turýǵa májbúr. Prezıdenttiń aıtýynsha, bul másele qys mezgilinde óte ózekti.
«Tipti, keıde jolaýshylar avtobýsqa syımaı jatady. Qazir Astanaǵa 400-den astam avtobýs jetispeıdi. Aldaǵy 5 jylda bul tapshylyq 2 ese artýy múmkin. 400 aıaldamada avtobýs toqtaıtyn arnaıy oryn qarastyrylmaǵan. Al 300 aıaldamada jabyq pavılon joq. Bul másele, ásirese, qys kezinde óte ózekti», dep atap ótti Q.Toqaev.
Prezıdenttiń aıtýynsha, LRT-ǵa qatysty jumysty meılinshe tezdetip aıaqtaý kerek.
«Men buryn da aıttym, LRT jobasy negizinen qate boldy. Biraq qazirgi tańda basqa amalymyz joq, bul jobany júzege asyrýymyz kerek. LRT-nyń qurylysyn toqtatsaq, shyǵyn odan da kóp bolady. Al balama jobalar joq. Jalpy, ákimdikke Úkimetpen birlesip, Astananyń kólik júıesin damytýǵa arnalǵan keshendi baǵdarlama ázirleýdi tapsyramyn», dedi el Prezıdenti óz sózinde.
