Mıýnhende Qazaqstan-Bavarııa ınvestısııalyq dóńgelek ústeli ótti

Germanııa Qazaqstannyń EO-daǵy mańyzdy seriktesteriniń biri. Elder arasynda saýda-ekonomıkalyq yntymaqtastyqty tereńdetýge, ınvestısııalardy yntalandyrýǵa jáne ózara qorǵaýǵa baǵyttalǵan birqatar úkimetaralyq kelisimder bar. 

2022 jyldyń 11 aıynda Qazaqstan men Germanııa arasyndaǵy taýar aınalymy 2,36 mlrd dollarǵa jetti. Bul ótken jylmen salystyrǵanda (2,2 mlrd dollar) 7%-ǵa joǵary. 2005 jyldan beri Germanııanyń Qazaqstan ekonomıkasyna salǵan tikeleı sheteldik ınvestısııasy shamamen $5,3 mlrd-ty quraǵan, onyń basym bóligi óńdeý ónerkásibine baǵyttaldy. Qazaqstan-Germanııa ınvestısııalyq jobalarynyń tizimi jalpy somasy $4 mlrd dollardan asatyn 52 jobadan turady.

Is-sharany Qazaqstan Respýblıkasynyń Germanııadaǵy Tótenshe jáne О́kiletti Elshisi Nurlan Onjanov, Bavarııanyń Ekonomıkalyq konsýltatıvtik keńesiniń qurmetti prezıdenti Otto Vıshoı jáne Germanııa ekonomıkasynyń Shyǵys komıtetiniń atqarýshy dırektory Mıhael Harms ashty.

Negizgi baıandamany Qazaqstan Respýblıkasy Syrtqy ister mınıstriniń orynbasary Almas Aıdarov júrgizip, onda ekijaqty qarym-qatynastardyń damýyndaǵy oń dınamıkaǵa toqtaldy. Germanııanyń isker toptaryn energetıka, shıkizat materıaldar, ónerkásip jáne mashına jasaý sektorlary, kólik-logıstıka sektory, agroónerkásiptik keshen, bilim jáne ǵylym, IT salalaryndaǵy jobalarǵa ınvestısııa salýǵa shaqyrdy. 

«KAZAKH INVEST» UK» AQ basqarma tóraǵasy Meıirjan Iýsýpov kompanııanyń qyzmeti, Qazaqstan Respýblıkasy Úkimeti bergen preferensııalar týraly aıtyp, nemis kásipkerleriniń suraqtaryna da jaýap berdi. Germanııa bıznes ókilderi Qazaqstannyń kólik-logıstıkalyq áleýeti, ınvestısııalyq jobalardy júzege asyrý jáne qonys aýdarý úshin Qazaqstan ekonomıkasynyń perspektıvalyq baǵyttaryna erekshe qyzyǵýshylyq týdyrdy. 

Qazaqstandyq delegasııanyń Bavarııaǵa sapary barysynda Syrtqy ister mınıstriniń orynbasary Almas Aıdarov pen Basqarma tóraǵasy «KAZAKH INVEST» UK» AQ Basqarma tóraǵasy Meıirjan Iýsýpov nemis kompanııalarymen birqatar ekijaqty kezdesýler ótkizdi.

EOS GmbH kompanııasynyń aǵa vıse-prezıdenti Markýs Glassermen kezdesýde taraptar materıaldarmen (polıamıd, metall untaqtary) jumys isteý boıynsha ǵylymı-ınnovasııalyq quzyret ortalyǵyn qurý jobasyn júzege asyrý múmkindigin talqylady. Aıta ketý kerek, «EOS GmbH» metall jáne plastmassa buıymdaryn ónerkásiptik 3D basyp shyǵarý salasyndaǵy álemdik kóshbasshy. Kezdesý barysynda EOS GmbH kompanııasy men Q.I.Sátbaev atyndaǵy Qazaq ulttyq zertteý tehnıkalyq ýnıversıteti arasynda seriktestik týraly kelisimge qol qoıyldy.

Kezdesý barysynda GS-Bavaria GmbH basqarýshy dırektory Sergeı Shmıtke de Qazaqstanda jobalardy júzege asyrýǵa daıyn ekendigi týraly aıtty. Atap aıtqanda, kompanııa biregeı tehnologııa boıynsha polıetılen balaýyz ónimderi men nanobólshekterden jasalǵan buıymdardy shyǵarýdy josparlap otyr. GS Bavaria GmbH ónimdiligi joǵary nano-materıaldar men fýnksıonaldyq qospalardy óndirýge mamandanǵan jáne ónerkásiptik qoldaný úshin jańa býyn volfram negizindegi kompozıttik materıaldardy ázirleıdi. 

Sharany Qazaqstan Respýblıkasynyń Germanııadaǵy Elshiligi «KAZAKH INVEST» UK» AQ-men birlesip Bavarııanyń Saýda-ónerkásip palatasy men Germanııa ekonomıkasynyń Shyǵys komıtetiniń qoldaýymen uıymdastyrdy.