Náýen hazirettiń móri

Torǵaı ýeziniń tuńǵysh muh­tasıf ımamy Náýen hazi­ret Nur­­tazauly halyqty ıman­dy­lyq­qa, qaıyrymdylyqqa, jaq­sylyqqa úndegen izgi jan bolǵan. Aıtýly tulǵanyń din jolyndaǵy ónegeli isin týǵan eli áli kúnge deıin aýzynan tastamaıdy. Bir ǵajaby, bul áýletke kıe men sóz qatar qonǵan. Osy áýlettiń taǵy bir ókili, ataqty aqyn – Ábiqaı Nurtazauly. Ony Torǵaıdaǵy aqyndyq mekteptiń basynda tur­ǵandardyń biri deýge bolady.Aqyn­nyń ótken ǵasyrdyń 20-jyldary bolǵan ashtyq tý­ra­ly jazǵan «Tas meshin» atty das­­­tanyn ádebıet synshylary jo­­ǵary baǵalaǵan.

«Bul mórdi Náýen haziret babamyz 1910 jyly qajylyqqa bar­ǵanda balasy Ahmethan Ábi­qaı­ulyna Mekkeden arnaıy soqtyryp ákelgen. Ol kisi sol qa­jylyq saparynda úsh jyl júrip, elge aman-esen oralypty. Sodan beri bul jádiger áýle­timizdiń qundy dúnıesine aınalyp, ony kózimizdiń qara­shyǵyndaı saqtap kelemiz», deıdi Bolatbek Ábiqaev.

Osynda esimi aıtylǵan Ah­met­han aqsaqal keshegi ǵasyr­dyń 80-jyldarynyń ortasyna deıin ómir súrdi. Arqaly aqyn, asqan áńgimeshi, suńǵyla shejireshi, jyrshy, qysqasy, marqum Seıit Kenjeahmetovtiń sózimen aıt­qanda «bir ózi bir teat­r bolǵan» adam. Qazaqstannyń ha­lyq ja­zýshysy Ábish Kekil­baev «Úr­ker» romanyn jazyp júr­gende Torǵaıǵa baryp, kó­ne­kóz qa­rııadan Ábilqaıyr hanǵa qa­tys­ty el aýzyndaǵy kóptegen de­rekterdi jazyp alǵan.