Túrkistan oblysynda 25 jyl buryn habarsyz ketken sheteldik tabyldy

О́tken jyldyń naýryz aıynda Túrkistan oblysy Saryaǵash aýdandyq polısııa bólimine kórshiles qaladaǵy polısııa bóliminen О́zbekstan Respýblıkasynyń azamaty, ıaǵnı úı-kúısiz (aty-jóni belgisiz, qujatsyz) júrgen 40-tan asqan áıeldiń isi kelip túsken. Onda Shymkent qalasyndaǵy daǵdarys ortalyǵyna túsken ózbekstandyq áıel, Saryaǵash aýdanynda jasyryn qurylǵan prıtonda quldyqta bolǵanyn, 10 jasynda áke-sheshesi О́zbekstan Respýblıkasyna belgisiz bireýlerge satyp jibergenin aıtqan.

Osy is boıynsha Saryaǵash polıseıleri jan-jaqty tergeý áreketterin júrgizdi. Sol jyldyń qarashasynda is Túrkistan oblysy PD-nyń óndirisine qabyldandy. Tergeý barysynda sot-medısınalyq, sot-psıhıatrııalyq saraptamalary taǵaıyndaldy. Onyń jaqyn tanystarynan jaýap alyndy. Jeltoqsan aıynda QR IIM arqyly О́zbekstan Respýblıkasyna jábirlenýshiniń jeke basyn anyqtaý men oǵan qatysty shynynda adam saýdasy qylmysy oryn alǵan nemese almaǵandyǵyn anyqtaý úshin halyqaralyq tapsyrma joldandy.

Polısııa departamentimen júrgizilgen júıeli jumys nátıjesinde departament qyzmetkerleri О́zbekstan Respýblıkasy Qashqadarııa oblysy ShaHrısabz aýdany Sarchashma aýylynan jábirlenýshiniń áke-sheshesi, týǵan-týystaryn anyqtap, olarmen kezdesý jumystaryn júrgizdi. Túrkistan oblysy polısııa departamentiniń polıseıleri áıeldiń zańdy túrde qujattanýy úshin qajetti sharalardyń barlyǵyn atqaryp, jeke kýáligi men tólqujatyn alýǵa yqpal etti.

Qazirgi ýaqytta jábirlenýshiniń óz eline oralýyna jaǵdaı jasalynyp jatyr. Anyqtalǵandaı, jábirlenýshi 17 jasynda úıinen ketip qalǵan. Al jábirlenýshiniń «quldyqta boldym, áke-sheshem satyp jibergen» degen ýájderi dálelin tappaı QR QPK-niń 35-babynyń 1-bóliginiń 2-tarmaǵymen toqtatyldy.