Jelaıaqtar Astanada jınalady

Elordada ótetin baıraqty bá­seke Azııa jeńil atletıka qa­ýym­dastyǵynyń kúntizbesine engen 2023 jyldaǵy eń mańyzdy jarystarynyń biri. Buǵan deıin Azııa qurlyǵynyń birneshe elin­de jalaýy jelbiregen jabyq ke­shendegi Azııa chempıonaty bı­yl TMD elderi aýmaǵynda al­ǵash ret, ıaǵnı Astanada uıym­dastyrylatynyn aıta ketken jón. Aıtýly jarysqa Azııanyń 30-dan asa elinen sport­shylar qa­tysady dep josparlanyp otyr. Astanadaǵy jelaıaqtar saıysynda sportshy­lar júgirý, ıadro laqtyrý, uzyn­dyqqa jáne bıiktikke sekirý, kóp­saıys sekildi jeńil atletıka baǵ­darlamasyna engen sporttyń 26 túrinen synǵa túsedi.

Atap aıtqanda, áıelder 60, 400, 800, 1500 jáne 3000 metrge, kedergiler arqyly 60 metrge jú­girý, uzyndyqqa sekirý, bıik­tikke sekirý, úsh qarǵyp sekirý, sy­ryqpen sekirý, ıadro laqtyrý, 4x400 metrge estafeta jáne bes­­saıys túrinen júldelerdi sarap­qa salady.

Al erler 60, 400, 800, 1500 jáne 3000 metrge júgirý, sonymen qatar 60 metrge kedergiler ar­qyly júgirý, uzyndyqqa se­kirý, bıiktikke sekirý, úsh qar­ǵyp se­kirý, syryqpen sekirý, je­­ti­sa­ıys, 4x400 metrge estafeta jáne ıadro laqtyrý boıynsha syn­­ǵa túsedi.

Jarystyń ashylý saltana­tyna Azııa jeńil atletı­ka qa­ýymdastyǵynyń prezı­den­ti Dahlan Ál-Hamad, Qazaq­stan jeńil atletıka fe­de­ra­sııa­­synyń prezıdenti Danıal Ahme­tov, Azııa jeńil at­le­tıka qaýymdastyǵynyń ke­ńes mú­sheleri, Azııa elderi fe­de­ra­sııa­larynyń basshylary, son­daı-aq eńbek sińirgen sportshylar men Qazaqstannyń sport qaı­ratkerleri qatysady dep jos­parlanǵan.