Álemdegi geosaıası jaǵdaıdyń turaqtalmaýy óńirdegi iri kásiporyndardyń óndiris kólemine de keri áserin tıgizip jatyr. Máselen, Lısakov, Rýdnyı qalalarynda temir, boksıt óndirý, temir keni konsentrattary men túıirshikter óndirisi 80,6 paıyzǵa deıin kemigen.
Bul týraly oblys ákimi Qumar Aqsaqalovtyń tóraǵalyǵymen ótken óńirdiń 2022 jylǵy áleýmettik-ekonomıkalyq damýyn qorytyndylaýǵa arnalǵan keńeste aıtyldy. Aımaq basshysy jıyn barysynda óndiris salasy óristemeı otyrǵan aýdandardyń basshylaryn synǵa aldy. Máselen, Denısov aýdanynda qıyrshyq tas, et, nan, Meńdiqara aýdanynda maı jáne sút, súzbe jáne nan óndirisiniń kórsetkishi josparlanǵan mejeden anaǵurlym tómen.
Keńeste Qamysty jáne Denısov aýdandarynyń ákimderi esep berdi. Atalǵan eki aýdanda da jospar jetkilikti deńgeıde oryndalmaǵan. Ákimderdiń esebin talqylaý barysynda aýdan basshylary jańa joba túzýdiń ornyna, osydan eki-úsh jyl burynǵy jumystaryn qaıtalap kórsetip, ózderin de, ózgeni de aldarqatatyny belgili boldy.
Oblys ákimi ózderi basqaryp otyrǵan óńirdiń damý deńgeıin tómendetip alǵan eki aýdannyń basshysyn tártiptik jazaǵa tartty. Al tıisti kórsetkishterge qol jetkizbegen Altynsarın, Fedorov, Qostanaı aýdandary men Qostanaı, Rýdnyı qalalary ákimderiniń esebi birinshi toqsannyń sońynda tyńdalatyn bolady.
О́ńirde traktor, kombaın qurastyrýda, azyq-túlik óndirisinde quldyraý baıqalady. Sary maı óndirisi 2021 jylǵy deńgeıden ilgerilemegen. Investısııa tartý jaǵy da kóńil kónshitpeıdi. Qostanaı, Rýdnyı jáne B.Maılın aýdandaryndaǵy óndiris oshaqtaryna quıylǵan qomaqty qarjyny qospaǵanda, qalǵan óńirler ınvestısııany bıýdjet esebinen tolyqtyryp otyr. Ákimniń aıtýynsha, bul jerde óńirlerdi ártaraptandyrý jaıly sóz qozǵaýdyń ózi artyq.
– Jaqynda Arqalyqta nefroıd óńdeıtin zaýyt salýǵa nıetti ınvestorlardy qabyldadym. Olar eki jyl boıy kabınet jaǵalap, quzyrly mınıstrlikten ruqsat ala almaı júr. Mundaıdy ýystan shyǵarýǵa bola ma? Másele tolyq sheshilmeıinshe, mınıstrlikti mazalaı berý kerek. Torǵaı boksıt kenishi jabylǵan soń, Arqalyqtaǵy kóp adam jumyssyz qaldy. Mynaý el úshin paıdasy mol joba emes pe! Ekinshi mysal, Lısakov qalasyndaǵy kremnıı karbıdin óndiretin zaýyt salý týraly áńgime 2019 jyly shyqqan. Biraq ol sol aıtylǵan kúıi qaldy. Áli kúnge qozǵalys joq. Halyqty bulaı aldamaý kerek. Al sizder basqa joba bolmaǵandyqtan, baıaǵy bir jobany shıyrlaı beresizder. Investısııa tartý – aýdan, qala ákimderiniń negizgi jumysy. Al ol jumys jetkiliksiz ekendigin kórip otyrmyn, – dedi Qumar Aqsaqalov.
Qostanaı oblysy
Prezıdent birqatar memlekettiń elshilerinen senim gramotalaryn qabyldady
Saıasat • Búgin, 13:20
Shymkentte eki polıseı para aldy degen kúdikke ilindi
Qoǵam • Búgin, 12:55
Astanada stýdentterge arnalǵan 5 jataqhana salynady
Elorda • Búgin, 12:42
Jýrnalısterge arnalǵan «Parasat» konkýrsy bastaldy
Qoǵam • Búgin, 12:30
Jalǵan aqparat taratqan blogerler jaýapqa tartylady
Qoǵam • Búgin, 12:17
Balalarǵa arnalǵan tegin úıirmelerge 86,7 mlrd teńge bólindi
Qoǵam • Búgin, 12:05
Uqsas jańalyqtar
Onlaın 
