Almatyda memlekettik qyzmettiń 96%-y sıfrly formatta kórsetiledi

«Búgingi forým  kóz aldymyzda bolyp jatqan sol tektonıkalyq ózgeristerdiń keń aýqymyn kórsetedi. Memlekettik basqarýdyń sıfrlyq transformasııasy, robottandyrý, kıberqaýipsizdik, qarýly kúshterdi sıfrlandyrý, bilim berý júıeleri, qalalyq utqyrlyq jáne smart qala tujyrymdamalary eki kún boıy sıfrly Almatyda talqylanatyn taqyryptardyń bir parasy ǵana», dep atap ótti Almaty ákimi.

Ákim aıtyp ótkendeı, sıfrly transformasııa máseleleriniń ózektiligin asyra baǵalaý múmkin emes. Álem jyldam ózgerip jatyr jáne keńinen taralǵan sıfrlandyrý osy progrestiń negizgi qozǵaltqyshtarynyń biri bolyp tabylady.

Almatyda sıfrlandyrýdyń ený deńgeıi Qazaqstandaǵy eń joǵary kórsetkishterdiń biri sanalady. Búginde qalada memlekettik qyzmetterdiń 96 paıyzy sıfrly formatta kórsetiledi. 

О́tken jyldyń shilde aıynda Almaty álemdegi jetekshi ThoughtLab zertteý kompanııasynyń (Nıý-Iork) baǵalaýy boıynsha sıfrlyq damý strategııalarynyń daıyndyǵy boıynsha alǵash ret Azııadaǵy úzdik qalalardyń bestigine endi.

О́tken jyldyń qyrkúıeginde Almaty qalasy «Almaty derekter kóli – Biryńǵaı derekterdi saqtaý» jobasymen IEEE Smart Cities Awards halyqaralyq «aqyldy qalalar» baıqaýynyń fınalısti boldy.

Qabyldanǵan qalany damytý baǵdarlamasyndaǵy 7 negizgi basymdyqtyń biri – «Almaty – Smart City» qurý. Bıylǵy jyldyń kúzine qaraı Sıngapýr men Shanhaı sııaqty megapolısterge uqsas qalanyń «sıfrlyq egizin» qurýdy bastaý josparlanyp otyr.

«Almatyny odan ári damytýdyń mańyzdy jobalary qalany basqarýdy jetildiretin basqa da júıeli platformalyq sheshimder bolyp tabylady. Bul qalanyń Biryńǵaı derekter qoımasy, Biryńǵaı geoanalıtıkalyq platforma. Biryńǵaı beınebaqylaý júıesi bıyl Almaty qalasynyń 80 paıyzyn qamtıdy. Bul sıfrlandyrý úshin sıfrlandyrý emes, eń aldymen, jaıly qalalyq ortany qurý jáne qala turǵyndary men qonaqtarynyń qaýipsizdigin qamtamasyz etý»,  dep sózin túıindedi E. Dosaev.