Almaty ákimi Erbolat Dosaevtyń Bostandyq aýdanynyń turǵyndarymen kezdesýiniń birinde qala turǵyndary atalǵan jer telimin memleket menshigine alyp, saıabaqty retke keltirý jumystaryn júrgizý qajettigi týraly másele kótergen edi.
«2022 jyldyń 5 qazanynda Almaty qalasynyń mamandandyrylǵan aýdanaralyq ekonomıkalyq sotynyń sheshimimen ákimdiktiń jer ýchaskesin memleket muqtajy úshin alyp qoıý týraly talap aryzy qanaǵattandyryldy, ótemaqy somasy 2 338 817 000 teńge mólsherinde anyqtaldy ( 2022 jylǵy 21 qyrkúıektegi №5386 saraptama qorytyndysy boıynsha). 2022 jylǵy 22 jeltoqsanda Almaty qalalyq soty birinshi satydaǵy sottyń sheshimin ózgerissiz qaldyrdy. 2023 jyldyń 13 qańtarynda ótemaqy somasy «Jusan Property» JShS-ne aýystyryldy», dep habarlady Almaty ákimdiginiń baspasóz qyzmetinen.
Qazirgi tańda qalalyq ekologııa jáne qorshaǵan ortany qorǵaý basqarmasy «Iýjnyı» saıabaǵyn abattandyrý boıynsha jobalyq-smetalyq qujattamany ázirleýge qajetti qujattardy daıyndap jatyr.
