Mádenıet jáne sport mınıstrliginiń qoldaýymen túsirilgen «Paralımpıadashy» fılmi Mýmbaıda (Úndistan) ótken Shanhaı yntymaqtastyq uıymynyń kınofestıvalinde joǵary marapatqa ıe boldy.
Rejısser Aldııar Baıraqymovtyń bul kınotýyndysynda basty róldi somdaǵan Asqar Ilııasov «Úzdik er adam róli» syılyǵyn jeńip aldy. Festıvalge 14 elden barlyǵy 57 fılm usynylǵan. О́ner dodasyna otandyq delegasııany Dımash Qudaıbergen bastap bardy.
Bul atalǵan kınokartınanyń alǵashqy marapaty emes – ótken jyly ol Reseıde ótken kınofestıvalderde eki márte gran-prıdi ıelendi.
Fılm qazaqstandyq paralımpıadashylardyń ómirindegi naqty oqıǵalarǵa negizdelgen. 2018 jyly Phenchhanda jeńiske jetken Qazaqstandaǵy alǵashqy qysqy Paralımpıada chempıony Aleksandr Kolıadınniń jeńiske jetý jolyn baıandaıdy.
«Men búgin baqyttymyn. Bul – meniń alǵashqy syılyǵym. Biz úlken eńbek jasap, búkil janymyzdy saldyq. Basty maqsatymyz – paralımpıadashylar týraly aıtý, olardyń jeńisteriniń artynda qandaı erik-jiger, kúsh pen umtylys turǵanyn kórsetý. Bul týyndy memlekettik qoldaýdyń arqasynda jaryqqa shyqqanyna qýanyshtymyn», dedi akter Asqar Ilııasov.
Sonymen qatar kınofestıvalde otandyq «Uly dala tańy», «Muqaǵalı», «Mama, men tirimin!» «Ademokany oqytý» jáne «Ystyqkól» fılmderi kórsetildi.
Atyraýda birneshe mekteptiń oqýshylary onlaın oqıdy
Qoǵam • Keshe
Prezıdent Qatar Ámirimen telefon arqyly sóılesti
Saıasat • Keshe
Áýejaıda shekarashylar qonaqtardy erekshe kútip aldy
Qoǵam • Keshe
Uqsas jańalyqtar
