Ol alǵash ret Qazaqstan azamattarynyń bastamasymen «people-to-people» (adamdardan adamdarǵa) formatynda «Pepelsneg Parlour» kompanııasynyń demeýshiligimen elordamyzda uıymdastyrylyp, qatysýshylarǵa jaqsy syı-tartý bolyp úlken áser etti.
Qazaqstan men Japonııa arasyndaǵy dıplomatııalyq qatynastardyń ornatylǵan 30 jyl ishinde saıası, saýda-ekonomıkalyq yntymaqtastyq damyp qana qoımaı, mádenı-gýmanıtarlyq baılanystar da nyǵaıyp keledi.
Kórmeniń ashylýyna qatysqan Syrtqy ister mınıstriniń orynbasary Qanat Týmysh óz sózinde Japonııa mádenıetiniń ózindik erekshelikterin jáne álemdik órkenıetter arasyndaǵy alatyn orny týraly atap ótti. Sondaı-aq qazaq jáne japon mádenıeti, salt-dástúrleri, ádet-ǵuryptarynyń uqsastyǵyna erekshe mán berdi.
Kórmege Mádenıet jáne sport mınıstrliginiń, Japonııanyń Qazaqstandaǵy elshiliginiń, Qazaqstanda akkredıtelgen sheteldik elshilikteriniń ókilderi, elimizdiń akademııalyq jáne iskerlik toptary, Astana turǵyndary men qonaqtary qatysty.
