Dárigerdiń aıtýynsha Astana boıynsha jalpy syrqattanýshylyqtyń 180,1-den (2021 jyly) 180,6-ǵa (2022 jyly) deıin ósý úrdisi baıqalady, bul jalpy aýrýdy aldyn ala anyqtaý, turaqty túrde skrınıngter júrgizýmen jáne jalpy ólim-jitimniń 71,1-den (2021 jyly) 67,0-ge (2022 jyly) deıin tómendeýimen baılanysty bolyp otyr.
«2007 jyldan bastap Astana qalasy boıynsha syrqattanýshylyq qurylymynda sút bezi obyry 1-orynda, byltyr 401 syrqat jaǵdaıy tirkelgen, bul 100 myń turǵynǵa shaqqanda 30,3 qurady (2021 jyly – 100 myń adamǵa shaqqanda 344/28,4), skrınıngterdi engizýge baılanysty syrqat belgilerin ýaqytynan erte anyqtaý 6,6%-ǵa artty. 2021 jylmen salystyrǵanda 100 myń turǵynǵa shaqqanda 6,7-den 6,2-ge deıin ólim-jitimniń 7,5%-ǵa tómendeýi baıqalady, aýrýdyń 1-2-satysynyń erte dıagnostıkasy jaqsardy jáne 90,2% – 3 (2021 jyly – 87,0%) 3,7%-ǵa joǵary kórsetkishti qurady. Búgingi tańda 3 myńnan astam áıel sút bezi obyry bar dıspanserlik esepte turady», dep naqtylady Iýrıı Jýkov.
Bul rette, dáriger qaterli dertke shaldyǵatyndar qatary jasaryp kele jatqanyn nazarǵa saldy. Syrqattanýshylyqtyń 50-60%-y 40-60 jas aralyǵyndaǵy naýqastar arasynda tirkelgen. Degenmen qaterli isik 20-30 jastaǵy naýqastarda da jıi kezdesedi.
