«Memlekettik bıýdjetke túsetin júktemeni azaıtý jáne respýblıkalyq mańyzy bar joldardyń sapasyn jaqsartý maqsatynda qozǵalysy qarqyndy birqatar trassany aqyly etý boıynsha joba iske asyrylyp jatqany aıtyldy. I kezeń aıasynda uzyndyǵy 5,5 myń km joldarda beınebaqylaý kameralarymen, lıdarlarmen, baılanys antennalarymen jáne basqa da quraldarmen jabdyqtalǵan 100-ge jýyq baqylaý arkasy ornatyldy», dep habarlady Úkimettiń baspasóz qyzmeti.
Atap aıtqanda, uzyndyǵy 1,5 myń km I sanattaǵy ýchaskeler 2021 jylǵy qarashadan bastap aqyly boldy. Bul jol tósemine kútim jasaýǵa, qozǵalys qaýipsizdigin arttyrýǵa jáne ilespe ınfraqurylymdy damytýǵa múmkindik beredi.
Keńes qorytyndysy boıynsha I kezeń ýchaskelerinde júk kólikteriniń júrip ótkeni úshin aqy alý júıesin iske qosý boıynsha jumysty jalǵastyrý týraly sheshim qabyldandy. Bul birinshi kezekte Qazaqstan aýmaǵy arqyly ótetin tranzıttik kólikke qatysty bolady. Premer-mınıstr jol jelisin jańǵyrtý kezinde beınebaqylaýdy kúsheıtýge, júrgizýshiler men jolaýshylardyń qaýipsizdigin arttyrýǵa basa nazar aýdarý qajet ekenin atap ótti.
