Arqalyq qalasynda besinshi qabattan qulap bara jatqan qyzdy qutqaryp qalǵan patrýldik polısııa qyzmetkerine páter berildi.
Esterińizge sala ketsek, tosyn jaǵdaı osy jyldyń 7 qańtarynda Arqalyq qalasynda bolǵan edi. Sol kúni tańǵy saǵat 05:30-da qalalyq polısııa basqarmasynyń jedel basqarý ortalyǵyna qyzdyń besinshi qabattan qulap bara jatyp, balkonnyń temir qorshaýynan ustap qalǵany týraly sýyt habar kelip túsedi.
Oqıǵa ornyna patrýldik polısııa qyzmetkerleri Almat Ámirhan men Rýslan Qapsamatov shuǵyl jetedi. Almat Ámirhan syrtta qalyp, áriptesi dereý besinshi qabatqa qaraı júgire jóneledi.
Alaıda qyz dál osy sátte jerge qaraı quldılaı jónelgen. Tómende turǵan Almat Ámirhan qulap kele jatqan qyzdy qaǵyp alady.
– Polısııa qyzmetkerleri óńirdegi qoǵamdyq tártipti qamtamasyz etedi jáne kúndelikti jumysta qıyn jaǵdaılarǵa tap bolady. Keıde adam ómirin qutqaryp qalyp jatady. Qyzmette júrip osyndaı erlikke barǵany úshin Almat Ámirhandy qyzmettik turǵyn úımen qamtamasyz etý týraly sheshim qabyldandy, – dedi Arqalyq qalasynyń ákimi.
Qyzdy qutqarmaq bolyp aıaǵynan jaraqat alǵan Almat Ámirhan áli emdelip jatyr. Polısııa aǵa leıtenanty buǵan deıin týystarymen birge turyp kelgen.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
