Kamerýn astanasy Iаýndede YARHA Festival halyqaralyq kınofestıvali ótti. Álemdik kıno báıgesinde qazaq kınosynyń arnaıy kórsetilimderi uıymdastyrylyp, Afrıka kórermenderi alǵash ret otandyq fılmderimizben tanysty.
Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń qoldaýymen túsirilgen «Nartaı» fılmi festıvaldiń negizgi konkýrstyq baǵdarlamasyna qatysyp, tórt birdeı júldege ıe bolyp, «Úzdik kórkem fılm» atandy. Sonymen qatar festıval baǵdarlamasy aıasynda afrıkalyq kórermenderge basqa da otandyq kıno kartınalar tanystyryldy.
– Men Qazaqstanda túsirilgen kórkem fılmdi alǵash ret kórip otyrmyn, buǵan deıin tek derekti fılmderdi tamashalaǵan edim. Kıno mamany basqa elden kelgen kásipqoıdyń jumysyn kórgende, eń aldymen kıno tilin túsinýge tyrysady. Bul fılmde kıno tili keremet kórinis tapqan. Qazaq kınosynyń basty ereksheligi de osynda. Qazaq eliniń fılmderin kórgende, biz kıno tilinde jetkizilgen belgili bir oqıǵaǵa tap bolamyz jáne meni baýraǵan dál sol sezim,– dedi kınofestıval qonaqtarynyń biri, Kann kınofestıvaliniń qatysýshysy, rejısser Mýssa Týre.
Afrıkalyq kórermender qazaq kınosynyń deńgeıin joǵary baǵalady, al ındýstrııa mamandary seriktestik ornatýdy usyndy.
– YARHA festıvalimen seriktestik kelesi jyly da jalǵasady dep úmittenemin. Bul oqıǵanyń Qazaqstannyń oń ımıdjin ilgeriletýge óz úlesin qosatynyna senimdimin. Mádenı dıplomatııa jalǵasýy kerek. Biz qazaqstandyq kartınalardyń Marokko, Týnıs, Senegal jáne Kongo elderinde kórsetilgenin qalaımyz, – dep atap ótti Fransııadaǵy qazaqstandyq kıno qaýymdastyǵynyń prezıdenti Andre Ivanov.
Kamerýndaǵy otandyq fılmderdiń kórsetilimin Fransııadaǵy qazaqstandyq kıno qaýymdastyǵy uıymdastyrdy. Bul – Afrıkadaǵy alǵashqy aýqymdy shara.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
