Jalpyulttyq deńgeıge kóterilgen gazet

Konferensııa jumysyn ashqan ýnıversıtet rektory Janar Temirbekova baspasóz ben kitap basý ındýstrııasynyń paıda bolýy halyqtyń saıası ultqa aınalýyna áser etkenin atap ótti. «Ortaq tarıh, ortaq saıası sana, ortaq Otan uǵymdary «Qazaq» gazetiniń yqpalymen qalyptasty. Ári qazaq degen saıası ulttyń qalyptasýyna, sanalyq turǵydan órkendeýinde orasan ról oınady», dedi rektor. Al ýnıversıtettiń áleýmettik-mádenı damý vıse-rektory Asqar Turǵanbaev konferensııanyń maqsaty men mańyzdy tustaryna toqtaldy. «Qazaq» gazetiniń tarıhy men qıyndyqtary, el múddesi úshin atqarǵan eńbekteri jaıly aıtyp ótti. Ǵylymı-tájirıbe­lik konferensııaǵa onlaın qatys­qan fılologııa ǵylymdarynyń doktory, akademık, «Qazaq ga­zetteri» JShS bas dırektory Dıhan Qamzabekuly «Qazaq» ga­zetiniń basynan ótkergen syn sa­ǵattary men búgingi urpaqqa qal­dyrǵan mol murasyn til­ge tıek etti. «Qazaq» gazeti hal­qy­­­­myz­dyń rýhanı sanasyna re­for­ma jasap, jalpyulttyq deń­geı­ge kóterilgenin, ult­­tyń memlekettiligi joq ke­zeń­de elshildik oıdyń, para­sat­tyń, ustanymnyń arqaýyn jal­ǵaǵanyn dáıektedi.

О́z zertteýlerimen bólisken ýnıversıtet professory, tarıh ǵylymdarynyń doktory Tur­syn Hazretáliniń paıymdaýyn­sha, «Qazaq» gazetinde ǵasyr bu­ryn aıtylǵan máseleler búgin de óz kúshin joıǵan joq. Til men ult taqyryptarynan basqa, búgingi áıel teńsizdigi sııaqty taqyryptardy Alash zııalylary da qozǵaǵan. «Qazaq» gazeti­niń aqparat taratýdaǵy saýatty­ly­ǵy, ózekti taqyryptary men ult ja­na­shyrlyǵyna toqtalǵan ǵalym gazettiń shyǵý tarıhy­na Túrkistan qalasynyń qosqan úlesi týraly tarıhı derekter keltirdi. Birinshi sanynyń qa­laı shyqqanyn, qarjy máse­leleriniń sheshimi týraly ma­ńyzdy aqparattarmen bólisti. Sondaı-aq konferensııa bary­synda professor, fılologııa ǵylymdarynyń doktory Seı­dýlla Sadyqov, M.H.Dýlatı atyn­daǵy Taraz óńirlik ýnıver­sıtetiniń professory, fılolo­gııa ǵylymdarynyń doktory Sámen Qulbaraqov, S.Toraıǵyrov atyn­­daǵy Pavlodar memleket­tik ýnıversıtetiniń dosenti, fı­­lo­logııa ǵylymdarynyń kan­dıda­ty Serik Elikpaev óz oıla­ry­men bólisti. Zertteý kezeń­derimen bólisken barlyq spıkerler «Qazaq» gazetiniń qazaq baspasózine sińirgen eńbegin atap kórsetti.

Konferensııa aıasynda «Qa­zaq» gazeti men Alash zııalylary­na qatysty qundy eńbekter qo­ıylǵan kórme arqyly stýdentter­ge kitap, gazet-jýrnaldarmen ke­ńi­nen tanysýǵa múmkindik jasal­dy. Jıyn sońynda onlaın jáne offlaın qatysýshylar «Qa­zaq» gazetiniń mańyzdylyǵyn, qa­zaq baspasózi tól tarıhyn dárip­tep, jıyn ótkizgen jýrnalıstı­ka kafedrasy men ýnıversıtet ujy­myna rızashylyqtaryn bildirdi.

Túrkistan