Tárkilengen qarjy mektep qurylysyna jumsaldy

О́ńirdegi «saqaldy qury­lys­tar­dyń» biri – Qumjarǵan mektebi 2017 jyly bastalyp, 2019 jyl­dyń birinshi jartysynda paıda­lanýǵa berilýge tıis edi. Áýelde mem­le­kettik satyp alý rásimi boıyn­sha anyqtalǵan bas merdiger – «Saý­ran Injınırıng» JShS. Mek­tep qurylysyna jergilikti bıýdjetten 294 mln 857 myń teńge ból­in­di. Alaıda 2020 jyl­dyń 16 qara­sha­syndaǵy Aqtóbe qalalyq soty­nyń sheshimine sáı­kes atalǵan merdiger josyq­syz jetkizýshi dep tanyldy. Osy­laısha, mek­teptiń jyry alty jylǵa sozyldy. Merdiger turaqtamaı, sýb­mer­di­gerdiń biri kelip, biri ketti. Qury­lys materıaldarynyń kúrt qym­bat­taýy bilim oshaǵynyń der kezinde aıaqtalmaýynyń taǵy bir sebebine aınaldy.

Bıyl aqpannyń alǵashqy kúni balalary 1979 jyly salyn­ǵan eski mektepten jańa ǵımaratqa kóshkende aýyl turǵyndary erekshe qýanyp, saltanatty ashylý rásimine biri qalmaı keldi. Eldiń qýanyshyna Aqtóbe oblysynyń ákimi Eraly Toǵjanov, Sybaılas jem­qorlyqqa qarsy qyzmet de­partamenti basshy­synyń mindetin atqarýshy Esqalı Sala­matov ortaqtasty.

– Memleket basshysy jańa merzimdegi birinshi Jar­lyǵynda aýyldyq aýmaqtardy damytýǵa erekshe nazar aýdardy. Osy tapsyrmany oryndaý maqsatynda 2022 jyldyń sońynda Aqtóbe oblysy aýyl turǵyndarynyń ál-aýqatyn arttyrýǵa arnalǵan «Aýyl amanaty» jobasy bastaldy. Eń birinshi kezekte jumyssyz, áleýmettik osal toptaǵy aza­mattardyń kásipterin uıym­dastyryp, taýarly, qar­jylaı nesıe alýyna 6 mlrd teńgeden astam qarajat bó­lindi. Munymen birge aýyl­daǵy shaǵyn jınaqty mektep oqýshylarynyń bilim sapasyn kóterý maqsatynda «BilimALL» jobasyn bas­tadyq. 10 myń aýyl balasyna Aqtóbe qalasynyń úzdik muǵalimderi matematıka, fı­zıka, hımııa, bıologııa, aǵyl­shyn tili páni boıynsha onlaın dárister ótkizedi. «BilimALL» jobasyna Qum­jarǵan negizgi mektebiniń 50 oqýshysy qosyldy, – dedi Eraly Toǵjanov mekteptiń ashylý rásiminde.

Esimi belgisiz jemqordan Qum­jarǵan mektebine qarjy óndirip bergen sybaılas jemqorlyqqa qarsy kúres qyzmeti óńirdegi birneshe kúrdeli máseleni anyqtapty.

– Bilim berý uıymdarynyń qyz­metine baılanysty tur­ǵyndar arasynda saýalna­ma ótkizip, jalpy monıtorıng júrgizdik. Onyń qory­tyndysy boıynsha halyqtyń renishin týǵyzatyn jáne óńir­diń áleýmettik damýyna keri áser etetin birneshe sebep anyqtaldy. Der kezin­de aıaqtalmaı jatqan mektep qurylystary da biz anyq­taǵan artqa tartýshy faktor­lardyń biri. Jergilikti atqa­rýshylyq bılik pen sy­baı­las jemqorlyqqa qar­sy qyzmettiń birlesken sheshim­deri nátıjesinde Qumjarǵan mektebiniń qurylysy aıaqtal­dy, – dedi E.Sa­lamatov.

Aıta ketý kerek, qazirgi ýaqytta Aqtóbe oblysynyń mektep­terinde 17 myń 844 oqýshy­ǵa oryn tapshylyǵy baıqalady.

Aqtóbe oblysy