Investısııa kólemi azaıǵan

Salystyrar bolsaq, 2021 jyl­dyń sáıkes kezeńinde sektorǵa sa­lynǵan ınvestısııa qundyq mánde bir jylda 42,5 paıyzǵa azaıyp, 53,4 mlrd teńgeni quraǵan.

О́ńirler boıynsha kásiptik, ǵy­lymı jáne tehnıkalyq qyzmet sa­la­syndaǵy kúrdeli salymdardyń eń kóp kólemi Astanaǵa tıesili – 10,3 mlrd teńge, bir jylda qundyq mánde 1,8 paıyzǵa kóbeıgen.

Almaty ekinshi orynda – 8,9 mlrd teńge, bir jyl burynǵy sáıkes kezeńimen salystyrǵanda 10,1 pa­ıyz­ǵa kóp. Úzdik úshtikti Qyzylorda oblysy túıindedi – 6 mlrd teńge, jyldyq ósim – 13,2 pa­ıyz. Úzdik úsh óńirge eldegi barlyq ınvestısııanyń 55,4 paıyzy tıesili.

Eń az ınvestısııa Jetisý óńirinde – nebári 158,9 mln teńge. Odan bólek Pavlodar men Aqmola oblystarynda da az.

Salaǵa salynǵan ınvestısııa kóleminiń barlyǵy derlik kásip­oryndardyń menshikti qara­jaty esebinen qamtamasyz etilgen – 91,2 paıyz nemese 41,5 mlrd teńge. Kór­setkish bir jylda 13,7 paıyzǵa azaıǵan.

Respýblıkalyq bıýdjetten bó­lin­gen qarajat 1,7 mlrd teńgeni (jyldyq ósim – 2,9 ese), jergilikti bıýdjetterden – 397,6 mln teńgeni (7,8 paıyzǵa kóbeıgen) qurady. Bank nesıeleri esebinen salynǵan ınves­tısııa birden 28,1 ese ósip, 1,2 mlrd teńgege jetse, banktik emes qaryz qarajat esebinen salynǵan ınves­tısııa kerisinshe 83 paıyzǵa azaıyp 720,2 mln teńge boldy.