Eńbek jolyn qazirgi «Egemen Qazaqstan» gazetinen bastaǵan Erjuman Smaıyl jýrnalıstik mansabynda birneshe basshylyq qyzmet atqarǵan. Ol «Jas Alash» gazetinde bas redaktor bolyp, birneshe shákirt tárbıeledi.
Saltanatty is-sharaǵa onymen birge qyzmet etken áriptesteri, ustazdary men ýnıversıtettiń rektory Janseıit Túımebaev qatysty. Rektordyń aıtýynsha, jańa aýdıtorııaǵa Erjuman Smaıylovtyń esimin berý – jýrnalıstıka ardagerine kórsetilgen erekshe qurmet.
Aýdıtorııanyń ashylý rásiminde Aqparat jáne qoǵamdyq damý mınıstri Darhan Qydyráliniń hatyn mınıstrlik ókili Nurbek Amısha oqyp berdi.
Erjuman Smaıyl týraly belgili aqyn, dramatýrg, memleket jáne qoǵam qaıratkeri Nurlan Orazalın, jýrnalıst, jazýshy, QR eńbek sińirgen qaıratkeri Ýálıhan Qalıjan jyly estelikpen bólisti.
Sondaı-aq «Egemen Qazaqstan» gazetiniń jaýapty hatshysy Samat Musa jýyrda qaıta qurylǵan «Qazaq gazetteri» JShS bas dırektory Dıhan Qamzabekulynyń quttyqtaý hatyn oqydy.
«Erjumanǵa qurmet kórsetý – kemeńger tulǵany moıyndaý. Atqarǵan jumysy óz aldyna, minezi qandaı edi! Ýnıversıtette aýdıtorııanyń ashylýy óte oryndy dep esepteımin. Bolashaq jýrnalıster osy kabınetke kelip, Erjumannyń ómirimen tanysatyn bolsa, ol – úlken olja», dedi ardager jýrnalıst Mamadııar Jaqyp óz sózinde.
