Kezdesý aıasynda Qazaqstan Premer-mınıstriniń orynbasary – Syrtqy ister mınıstri Muhtar Tileýberdiniń kelesi aptada Lıssabonǵa saparynyń kún tártibine erekshe nazar aýdaryldy.
Dıplomattar sapar barysynda Qazaqstan syrtqy saıası vedomstvosy basshysynyń portýgal áriptesimen jáne osy el basshylyǵynyń basqa da ókilderimen josparlanǵan kelissózderi, sondaı-aq «Qazaqstan-Portýgalııa» parlamenttik dostyq tobynyń múshelerimen jáne birqatar portýgal kompanııalarynyń basshylarymen kezdesýleri eki memleket arasyndaǵy yntymaqtastyqty odan ári damytýǵa eleýli serpin beretinine senim bildirdi.
Jalpy taraptar saýda-ekonomıkalyq, ınvestısııalyq, quqyqtyq salalarda, sondaı-aq bilim jáne ǵylym salasynda birqatar kelisimge qol qoıýdy qamtıtyn ekijaqty shart-quqyqtyq bazany keńeıtý jumysyn jandandyrýdyń mańyzdylyǵyn atap ótti.
Taraptar elder arasyndaǵy taýar aınalymynyń ósý serpinin atap ótti. О́tken jyldyń sońynda bul kórsetkish 30,6 mln AQSh dollaryn qurap, 2021 jylmen salystyrǵanda 53%-ǵa ósti.
Suhbat barysynda týrızm salasyndaǵy yntymaqtastyqty keńeıtý múmkindikteri de talqylandy. «Kazakh Tourism» jáne «Turismo de Portugal» arasynda qol qoıylýy josparlanǵan ózara túsinistik memorandýmy osy baǵyttaǵy mańyzdy qadam bolady.
