Kelissózder barysynda taraptar ekijaqty kópjosparly yntymaqtastyqty damytý boıynsha máselelerdiń keń aýqymyn qarastyrdy.
Kanada Qazaqstandaǵy eń iri 15 sheteldik ınvestorlardyń qataryna kiredi. 2005 jyldan beri Kanadadan Qazaqstanǵa kelgen tikeleı sheteldik ınvestısııalardyń jalpy kólemi 5,5 mlrd AQSh dollaryn qurady. Ekijaqty saýdanyń ósý qarqyny baıqalady. Qazaqstan men Kanada arasyndaǵy taýar aınalymy 2022 jyly 836,6 mln AQSh dollaryn qurap, buǵan deıingi jylmen salystyrǵanda 68,8 paıyzǵa artyq boldy.
Investısııalyq jáne saýda-ekonomıkalyq yntymaqtastyqtyń eleýli áleýetin ashýda suhbattastar eki eldiń bıznes ókilderi úshin qolaıly jaǵdaıdy odan ári jetildirýdiń mańyzdylyǵyn atap ótti. Sondaı-aq mádenı-bilim berý salasyndaǵy jańa múmkindikter qarastyryldy.
