OSK hatshysy Muhtar Ermannyń aıtýynsha, Syrtqy ister mınıstrligine akkredıtteýge úsh shet memleket pen eki halyqaralyq uıymnan 12 baıqaýshy jiberilgen. Onyń ishinde Koreıa Respýblıkasynan, Qyrǵyzstannan jáne Taılandtan – bir úmitkerden, TMD-dan baqylaýshylar mıssııasynan – jeti baıqaýshydan, Demokratııalyq ınstıtýttar jáne adam quqyqtary jónindegi bıýrodan (EQYU) eki baıqaýshydan tirkelgen.
Sondaı-aq ol EQYU/DIAQB-nyń buryn akkredıttelgen eki ókili baıqaýǵa qatysa almaıtynyn aıtty. Osyǵan baılanysty mıssııanyń quramyna ózgerister engizý qajet.
20 qańtardan beri Ortalyq saılaý komıssııasy úsh shet memleket pen eki halyqaralyq uıymnan 62 baıqaýshyny tirkedi.
Buǵan deıin Ortalyq saılaý komıssııasy Qazaqstan Respýblıkasy Parlamenti Májilisi depýtattarynyń kezekten tys saılaýyna Jalpyulttyq sosıal-demokratııalyq partııasynyń partııalyq tizimin tirkegen bolatyn.
Elimizde tirkelgen jeti saıası partııanyń barlyǵyna saılaýǵa qatysýǵa ruqsat berildi. Májilis depýtattyǵyna 283 kandıdat partııalyq tizim boıynsha, 609-y majorıtarlyq júıe boıynsha usynyldy. Barlyq deńgeıdegi máslıhattar depýtattyǵyna kandıdattar arasynda 119 partııalyq tizim (1471 adam), majorıtarlyq júıe boıynsha 11844 kandıdat bar.
Qazaqstanda 19 naýryzda Májilis depýtattarynyń kezekten tys saılaýy ótedi. Dál osy kúnge máslıhat depýtattaryn saılaý belgilendi.
