«Alańdatatyn másele jetkilikti. Bizdiń el tóraǵalyq etken merzimde osy qordalanǵan máselelerdi sheshýge tyrystyq. Ásirese UQShU-ǵa múshe elderdiń shekaralaryndaǵy máselelerge basa nazar aýdardyq. Sizdiń tájirıbeńiz jaıly beker aıtyp otyrǵan joqpyn. Siz Kavkazdy, Ortalyq Azııany jaqsy bilesiz. Ol aımaqtarda sheshimin tappaǵan másele áli de kóp. Olardy sheshýge tyrysyp kóreıik, búgingideı alasapyran ýaqytta Ujymdyq qaýipsizdik týraly shart uıymyn múmkindiginshe jandandyra túseıik. Siz aınalada ne bolyp jatqanyn kórip otyrsyz ǵoı», dedi Aleksandr Lýkashenko kezdesý barysynda.
Ujymdyq qaýipsizdik týraly shart uıymy – Táýelsiz Memleketter Dostastyǵynyń áskerı-saıası uıymy. Ol 1992 jyly 15 mamyrdaǵy kelisim aıasynda 2002 jyly quryldy. Uıymǵa Armenııa, Belarýst, Qazaqstan, Qyrǵyzstan, Reseı jáne Tájikstan elderi múshe bolyp otyr.
Aıta ketsek, Imanǵalı Tasmaǵambetov atalǵan uıymnyń bas hatshysy qyzmetine 2023 jyldyń basynda kirisken edi.
