Ulttyq ekonomıka birinshi vıse-mınıstri Tımýr Jaqsylyqovtyń habarlaýynsha, eseptik kezeńde Qazaqstan ekonomıkasynyń ósý qarqyny 5,6%-dy qurady. Naqty sektordaǵy ósim – 2,3%, al qyzmet kórsetý salasynda – 7,6%. Barlyq negizgi salalar boıynsha oń dınamıka baıqalady, bul rette saýda (+19,4%), aqparat jáne baılanys (+18,1%), sondaı-aq qurylys (+12,5%, 1 mln sharshy m astam turǵyn úı paıdalanýǵa berildi) eń joǵarǵy ósýdi kórsetti.
Vıse-mınıstrdiń aıtýynsha, negizgi kapıtalǵa salynǵan ınvestısııalardyń ósý qarqyny 18,3%-dy qurady. Investısııalar aǵyny ónerkásipte – 9,2%-ǵa, aýyl sharýashylyǵynda – 33,7%-ǵa, jyljymaıtyn múlikpen operasııalarda – 33,7%-ǵa, kólikte jáne qoımalaýda – 31,8%-ǵa ósti.
Aldyn ala qorytyndy boıynsha 2022 jyly syrtqy saýda taýar aınalymy 32,1%-ǵa ósip, $134,4 mlrd-ty qurady. Eksport boıynsha kórsetkish 39,9%-ǵa ósip, $84,4 mlrd-qa deıin jetti. Taýarlar ımporty $50 mlrd-qa teń. Jalpy, oń saýda balansy $34,4 mlrd-ty qurady.
Premer-mınıstrdiń orynbasary – Qarjy mınıstri Erulan Jamaýbaevtyń habarlaýynsha, eseptik kezeńde memlekettik bıýdjetke 1,5 trln teńge shamasynda kirister tústi (jospar 144,0%-ǵa oryndaldy), onyń ishinde respýblıkalyq bıýdjetke 1,1 trln teńge, jergilikti bıýdjetterge 394 mlrd teńge kirister tústi. Memlekettik bıýdjettiń shyǵystary 93,5%-ǵa, respýblıkalyq bıýdjettiń shyǵystary – 94,7%-ǵa, jergilikti bıýdjetterdiń shyǵystary 96,3%-ǵa atqaryldy.
Premer-mınıstr naqty sektor turaqty ekonomıkalyq ósimdi qamtamasyz etkenin atap ótti. О́ńdeýshi ónerkásip, qurylys jáne aýyl sharýashylyǵy salalarynyń damý qarqyny jaqsy. О́nerkásip sektory óndiristiń 1,5%-ǵa, onyń ishinde óńdeý salasynyń 1,6%-ǵa óskenin kórsetip otyr. Farmasevtıka (+51%), jeńil ónerkásip (+11%), toqyma buıymdary óndirisi (25%+), munaı óńdeý (+11%), hımııa ónerkásibi (+11%), sýsyndar óndirisi (+33%), tamaq ónimderiniń óndirisi (+10%), mashına jasaý (+12%) salalarynda ósim baıqalady.
Úkimet basshysynyń aıtýynsha, turaqty ınvestısııalyq belsendilik, onyń ishinde shıkizattyq emes sektorlarǵa ınvestısııalar tartý jedel ekonomıkalyq ósýdiń negizgi faktory bolyp sanalady.
Qańtar aıynyń qorytyndysy boıynsha barlyq negizgi makrokórsetkishterdiń ósýi Qostanaı oblysy men Almaty qalasynda tirkelip otyr. Eń tómen kórsetkishter – Abaı jáne Qaraǵandy oblystarynda.
«Bıylǵy jyldyń basy el ekonomıkasynyń serpindi damýǵa baǵyt alǵanyn kórsetip otyr. Ekonomıkanyń osy ósý qarqynyn saqtap qalýymyz kerek. Bul búgingi geosaıası jaǵdaıda ońaı sharýa emes. Úılesimdi jumys pen tıimdi úılestirýdi ekonomıkanyń barlyq salalarynda qamtamasyz etý kerek», dedi Álıhan Smaıylov.
Onyń aıtýynsha, ishki naryqty otandyq taýarlarmen tolyqtyrýǵa jáne shıkizattyq emes ónim kólemin ulǵaıtýǵa basymdyq berilýi tıis.
«Shaǵyn jáne orta bıznestiń áleýetin keńeıtip, damýǵa jaǵdaı jasaýymyz kerek. Tartymdy ınvestısııalyq klımat quryp, ınvestorlarmen belsendi dıalog júrgizý qajet», dedi Premer-mınıstr.
Úkimet basshysynyń pikirinshe, ınvestısııalardyń qurylymyn qosylǵan quny joǵary taýarlardy óndirý jaǵyna qaraı ulǵaıtý kerek, sonyń ishinde joǵary tehnologııalyq óndiristerde de. Sonymen qatar «Investısııa ornyna tarıf» saıasatyn sapaly engizýdi qamtamasyz etý mańyzdy.
«Árbir mınıstr, óńir ákimderi jáne ulttyq holdıngter men kompanııalardyń basshylary azamattardyń tabysyn arttyryp, sapaly jumys oryndaryn qurý úshin júıeli sharalar qabyldaýy tıis. Qoǵamdy tolǵandyryp otyrǵan áleýmettik-ekonomıkalyq máseleler boıynsha tıimdi sheshimder tabý qajet», dedi Álıhan Smaıylov.
Úkimet basshysy óńir ákimderi áleýmettik mańyzy bar azyq-túlik taýarlarynyń baǵasyn turaqtandyrýǵa erekshe nazar aýdarýy tıis ekenin atap ótti. Alda turǵan basty mindet – jyl qorytyndysy boıynsha ınflıasııany 2 esege – ıaǵnı, 9,5% deıin tómendetý. Onyń aıtýynsha, bul úshin barlyq kúsh-jigerdi Inflıasııa deńgeıin baqylaý jáne tómendetý jónindegi is-sharalar josparyn oryndaýǵa jumyldyrý kerek.
