Jergilikti basylym naqtylaǵandaı, úkim apellıasııalyq tártipte ózgertilgen. 2023 jyldyń mamyr aıynda sot Qarjy basqarmasynyń burynǵy basshysyn qyzmet babyn asyra paıdalandy dep tanyp, úsh jylǵa bas bostandyǵynan aıyrǵan edi. Sotta aıyptalýshy «Shymkent» ÁKK-ne 1 mıllıard 118 mıllıon teńge shyǵyn keltirgeni anyqtaldy. Sottalýshy tarap sot sheshimimen kelispedi. Úkimge shaǵymdanǵannan keıin sottalýshy shartty túrde sottaldy.
«Biz ony kináli dep taptyq. Bul jerde biz oǵan úsh jylǵa bas bostandyǵynan aıyrý jazasyn berdik, tek qalalyq sot úkimdi ózgertti. Apellıasııalyq shaǵymda onyń úkimi bas bostandyǵyn shekteýge ózgertildi», dedi Shymkent qalasy Qarataý aýdandyq sotynyń tóraǵasy Alpysbaı Nálibaev.
Burynǵy sheneýnikke qatysty qylmystyq is 2021 jyly qozǵalǵan. Tergeý 8 aıǵa sozyldy. Sondaı-aq «Shymkent» ÁKK» aksıonerlik qoǵamynyń dırektorlar keńesinen taǵy eki adam kúdikke ilindi.
