− «Aýyl» partııasy 2023 jyldyń 4 aqpanynda partııalyq tizimdi bekitýge usyndy. Saılaýǵa túsetin azamattardyń partııalyq tizimge engizýge kelisim berý týraly ótinishteri, tizimge engizilgen árbir kandıdattyń ómirbaıandyq derekteri men ony rastaıtyn qujattary qabyldandy, − dedi OSK múshesi Asylbek Smaǵulov.
Árbir kandıdattyń partııaǵa músheligin rastaıtyn qujattarymen qosa, jubaılarynyń 2023 jylǵy 1 qańtardaǵy jaǵdaı boıynsha aktıvteri men mindettemeleri týraly Memlekettik kiris organynyń anyqtamalary usynyldy. Al múgedektigi bar kandıdattar múgedektigi týraly qosymsha anyqtamany usyndy. «Aýyl» partııasynan 25 adam saılaýǵa túsedi. Kandıdattardyń 40 paıyzy áıelder men jastar.
OSK málimetteri boıynsha, Májilis saılaýyna jeti partııa jiberildi:
- «Aq jol» demokratııalyq partııasy
- «Jalpyulttyq sosıal-demokratııalyq» partııasy
- «Baıtaq» jasyldar partııasy
- «Aýyl» halyqtyq-demokratııalyq patrıottyq partııasy
- «Respublica» partııasy
- «Amanat» partııasy
Buǵan deıin Ortalyq saılaý komıssııasy QKP, JSDP jáne «Aq jol» QDP partııalyq tizimderin tirkegen bolatyn.
Eske sala keteıik, Qazaqstanda Parlament Májilisi men barlyq deńgeıdegi máslıhattar depýtattarynyń saılaýy 2023 jylǵy 19 naýryzda ótedi.
