«Jaqynda Túrkııada joıqyn jer silkinisi bolǵanyn bilesizder. Meniń tapsyrmammen baýyrlas Túrkııa eline qutqarýshylar jáne dárigerler jiberildi. Olardyń arasynda Aqmola oblysynyń mamandary da bar, ıaǵnı 18 adam. Bizdiń qutqarýshylar birneshe adamdy aman alyp shyqty. Túrkııada kúndiz-túni jumys istep jatqan azamattarymyzǵa alǵys aıtamyn! Túrkııadan aman-esen oralǵan soń olardy mindetti túrde marapattaıtyn bolamyz», dep atap ótti Qasym-Jomart Toqaev.
Bul rette qutqarýshylardyń asa qaýipti qyzmetine toqtala ketken Memleket basshysy M.Ǵabdýllın atyndaǵy Azamattyq qorǵaý akademııasynda tálim alǵan Asqar Zabıkýlınniń erligin de atap ótti.
«Qutqarýshy bolý – qıyn ári qaterli jumys. Shyn máninde, bul – naǵyz erjúrek azamattardyń kásibi. Tótenshe jaǵdaı mamandary jumys barysynda talaı ret erlik kórsetti. Basqa adamdardyń ómirine arasha túsip, qaza tapqan qutqarýshylar az emes. Olardyń qatarynda osy Akademııanyń túlegi Asqar Zabıkýlın de bar. «Er esimi – el esinde». Batyrlardyń erligi eshqashan umytylmaýǵa tıis», dedi Prezıdent Akademııa kýrsanttarymen kezdesý barysynda.
