Olımpıada «bir qatysýshy – bir kompıýter – bir kamera» qaǵıdasymen proktorıng júıesin qoldaný arqyly respýblıka boıynsha bir mezette bastaldy. Onyń aýdandyq kezeńi 30 qańtar – 3 aqpan aralyǵynda ótti.
Astana qalasy boıynsha 3 205 bala qatysty. Qalalyq kezeńge eń kóp upaı jınap, júldeli oryndarǵa ıe bolǵan 1 220 bala ótti. Oǵan daryndy balalarǵa arnalǵan mamandandyrylǵan mekteptermen, respýblıkalyq jáne halyqaralyq olımpıadalarynyń jeńimpazdary qosylǵanda barlyǵy 1 582 oqýshy qalalyq kezeńge qatysyp jatyr.
«Mektep oqýshylarynyń ıntellektýaldyq damýyna baǵyttalǵan kóptegen jumys ádisteriniń ishinde pándik olımpıadalar erekshe oryn alady. Mundaı pándik olımpıadalardy ótkizýdegi negizgi maqsatymyz jas zııatkerlerdi anyqtap, olarǵa qoldaý kórsetý. Sonymen qatar, túrli deńgeıdegi zııatkerlik saıystarda joǵary sapaly óner kórsetý úshin olımpıadalyq rezervti qalyptastyrý. Respýblıkalyq olımpıadanyń qalalyq kezeńinde baqtaryn synaıtyn elordalyq oqýshylarǵa sáttilik tileımin!», dedi qalalyq Bilim basqarmasynyń basshysy Qasymhan Senǵazyev.
Uıymdastyrýshylardyń aıtýynsha shara sońynda qatysýshylardyń jumysy shıfrlanady jáne tekserý úshin qazylar alqasynyń múshelerine jiberiledi. Ár kezeń aıaqtalǵannan keıin qatysýshylardyń jumystary «Daryn» respýblıkalyq ǵylymı-praktıkalyq ortalyǵy, «Astana daryny» daryndy balalar men talantty jastardy anyqtaý jáne qoldaý ortalyǵynyń saıtynda ornalastyrylady.
Olımpıada 13-18 aqpan aralyǵynda ótedi.
