IMPACT Olimpiad halyqaralyq ashyq baıqaýy osymen besinshi ret uıymdastyrylyp otyr. Oǵan Qazaqstan, Reseı, Mońǵolııa, Grýzııa, О́zbekstan, Qyrǵyzstan, Tájikstan memleketterinen uzyn sany 250-den astam muǵalim qatysqan.
Bilim jarysynyń qorytyndysy boıynsha, fızıka pániniń muǵalimi Sálııa Túktibaeva 2-orynǵa ıe bolsa, matematıka muǵalimi Stanıslav Kozlovskıı men ınformatıka pániniń muǵalimi Borıs Zelenov júldeli 3-oryndy ıelendi.
– Baıqaý talaptary boıynsha 7 tapsyrma oryndap shyqtyq. Onyń tórteýi olımpıadalyq tapsyrmaǵa jatady, al úsheýi – sheshimi bar esepterden turatyn ádistemelik blok. Bul jerde biz qate taýyp, esepti durys sheshýdiń ádistemelik joldaryn túsindirip berdik. Tapsyrmalardy oryndaýǵa 4 saǵat ýaqyt berilgen, biraq men osynyń bárin sál erterek 3 saǵattyń ishinde oryndap, tapsyrdym. Nátıje bar, eń bastysy, ózime paıdaly tájirıbe aldym, – deıdi fızıka pániniń muǵalimi Sálııa Túktibaeva.
Informatıka pániniń muǵalimi Borıs Zelenov ártúrli deńgeıdegi tapsyrmalardy jeńilden kúrdelige qaraı oryndap shyǵypty.
– Tapsyrmalar óte qyzyqty boldy. Olımpıadanyń alǵashqy kúni pándik seksııalar boıynsha semınarlar ótti. Onda biz óz tájirıbemizben, pándi oqytýdaǵy laıfhaktarmen bólistik. Kelesi kúni ótken tórt saǵattyq marafon barysynda olımpıada deńgeıindegi 10 tapsyrmany sheshtik, – deıdi muǵalim.
Qostanaı oblysy
